Dekabrın 10-da UEFA Avropa Liqasının qrup mərhələsinin son oyununda “Qəbələ” Rusiyanın "Krasnodar" klubunu qəbul edəcək.
“Qəbələ” İdman Klubu Bakıda – “Bakcell Arena”da baş tutacaq “Qəbələ”-"Krasnodar" matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının cari mövsüm üçün akkreditasiya vərəqəsini [email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək.
Müraciətlər dekabrın 4-ü saat 20:00-dək qəbul olunacaq. Vəsiqələr oyundan bir gün öncə - dekabrın 9-da saat 15:00-dən 20:00-dək “Bakcell Arena”da təqdim ediləcək.
Fotolu və fərdi akrreditasiya hazırlandığı üçün yuxarıda qeyd olunmuş müddətdə sənəd və foto surətini göndərməyən media mənsublarına akkreditasiya vermək mümkün olmayacaq.
