Avqustun 4-də 2016-2017 mövsümü UEFA Avropa Liqasının III təsnifat mərhələsinin cavab oyununda “Qəbələ” Fransanın “Lill” klubunu qəbul edəcək. “Qəbələ” İdman Klubu Bakıda – “Bakcell Arena”da baş tutacaq “Qəbələ” - “Lill” matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının ötən mövsüm üçün akkreditasiya vərəqəsini [email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək. Müraciətlər 1 avqust saat 20:00-dək qəbul olunacaq. Vəsiqələr oyundan bir gün öncə - avqustun 3-ü saat 17:00-dən 20:00-dək “Bakcell Arena”da təqdim ediləcək.
