Avqustun 18-də 2016-2017 mövsümü UEFA Avropa Liqasının pley-off mərhələsinin ilk oyununda “Qəbələ” Sloveniyanın “Maribor” klubunu qəbul edəcək. “Qəbələ” İdman Klubu Bakıda baş tutacaq “Qəbələ” - “Maribor” matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının ötən mövsüm üçün akkreditasiya vərəqəsini [email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək. Müraciətlər 15 avqust saat 20:00-dək qəbul olunacaq. Vəsiqələr oyundan bir gün öncə - avqustun 17-si saat 17:00-dən 20:00-dək təqdim ediləcək.
