Sentyabrın 29-da 2016-2017 mövsümü UEFA Avropa Liqasının qrup mərhələsinin II turunun oyununda “Qəbələ” Almaniyanın “Mayns” klubunu qəbul edəcək. “Qəbələ” İdman Klubu Bakıda baş tutacaq “Qəbələ” - “Mayns” matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının ötən mövsüm üçün akkreditasiya vərəqəsini [email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək. Müraciətlər 24 sentyabr saat 18:00-dək qəbul olunacaq. Vəsiqələr oyundan bir gün öncə - sentyabrın 28-i saat 17:00-dən 20:00-dək təqdim ediləcək.
