Noyabrın 24-də 2016-2017 mövsümü UEFA Avropa Liqasının qrup mərhələsinin V turunun oyununda “Qəbələ” Belçikanın “Anderlext” klubunu qəbul edəcək. “Qəbələ” İdman Klubu Bakıda baş tutacaq “Qəbələ” - “Anderlext” matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının akkreditasiya vərəqəsini [email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək. Müraciətlər 19 noyabr saat 18:00-dək qəbul olunacaq. Qeyd olunan vaxtdan sonra edilən müraciətlər qəbul olunmayacaq və akkreditasiya vəsiqəsi verilməyəcək. Vəsiqələr oyundan bir gün öncə - noyabrın 23-ü saat 17:00-dən 20:00-dək təqdim ediləcək.
