Media nümayəndələrinin nəzərinə!
Xəbərlər / 7 İyul 2017 | 12:08399
İyulun 13-də 2017-2018 mövsümü UEFA Avropa Liqasının II təsnifat mərhələsinin ilk oyununda “Qəbələ” Polşanın "Yagelloniya" klubunu qəbul edəcək.
“Qəbələ” İdman Klubu Bakıda – “Bakcell Arena”da baş tutacaq “Qəbələ”-"Yagelloniya" matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının ötən mövsüm üçün akkreditasiya vərəqəsini
[email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək.
Müraciətlər 9 iyul saat 20:00-dək qəbul olunacaq. Vəsiqələr oyundan bir gün öncə - iyulun 12-si saat 17:00-dən 20:00-dək “Bakcell Arena”da təqdim ediləcək.