Sabah Azərbaycan kubokunda yeni mövsümə start veriləcək. 2021/22 mövsümünə 1/8 finaldan başlayacaq “Qəbələ” MOİK-lə görüşəcək. Bir matçdan ibarət mərhələnin oyununu səfərdə keçirəcək “qırmızı-qaralar” rəqibi ilə “Dalğa Arena”da üz-üzə gələcək.
Bu, komandalar arasında 11-ci sınaq olacaq. İlk duel 2005/06 mövsümünə təsadüf edib. Həmin vaxt da rəqiblərin yolları kubokda kəsişib. Həmin qarşılaşma həm də “Qəbələ”nin kubokda debütü olub.
İndiyədək keçirilən 10 matçda böyük üstünlüyə malik “qırmızı-qaralar” 7 qələbə qazanıb və 3 heç-heçə edib. Heç vaxt uduzmayan komandamız top fərqində də aşkar üstündür. 19 qol vuran futbolçularımız cəmi 1 top buraxıblar.
“Qəbələ” və MOİK arasında qarşılaşmaların ən yaxşı bombardirləri İbrahim Hüseynov, Fərzad Hatəmi və Deon Bartondur. Onlar hərəyə üç dəfə fərqləniblər.
Bu matçlardan 6-sl çempionat, 4-ü kuboka təsadüf edib. Ölkə kubokundakı bütün oyunlarda qələbə qazanan “Qəbələ” 10 cavabsız qol vurub.
Bu üstünlük səfər görüşlərində də hiss olunub. Rəqib meydanındakı 5 görüşdən dördündə qalib gələn Qəbələnin eyniadlı təmsilçisi bir heç-heçə edib. 13 səfər qoluna sevinən komandamız bir top buraxıb.
Xatırladaq ki, dekabrın 10-da “Dalğa Arena”da keçiriləcək MOİK - “Qəbələ” matçı saat 17:00-da başlayacaq.
2005/06 mövsümü
24.09.2005. Azərbaycan kuboku. Göy-Göl (Xanlar) - MOİK (Bakı) - 2:0
İbrahim Hüseynov, 29, Rövşən Əhmədov, 62
15.10.2005. Azərbaycan kuboku. MOİK (Bakı) - Göy-Göl (Xanlar) - 0:4
İbrahim Hüseynov, 2, Rəşad Yusubov, 13, Natiq Qasımov, 81 (ö.q.), Fazil Pərvərov, 85
2007/08 mövsümü
26.09.2007. Azərbaycan kuboku. MOİK (Bakı) - Qəbələ - 0:2
Samir Zərgərov, 35, Pərvin Paşayev, 90
03.10.2007. Azərbaycan kuboku. Qəbələ - MOİK (Bakı) - 2:0
İbrahim Hüseynov, 3, Samir Məmmədov, 49
2008/09 mövsümü
17.08.2008. Premyer Liqa. MOİK (Bakı) - Qəbələ - 0:3
Fərzad Hatəmi 63, 69, 76
21.02.2009. Premyer Liqa. Qəbələ - MOİK (Bakı) - 2:0
Tornike Aptsiauri, 21, Anatoli Tebloyev, 34
2010/11 mövsümü
29.08.2010. Premyer Liqa. Qəbələ - MOİK (Bakı) - 0:0
04.12.2010. Premyer Liqa. MOİK (Bakı) - Qəbələ - 0:3
Deon Barton, 41, 89 (p.), Bruno da Silva, 44
13.03.2011. Premyer Liqa. MOİK (Bakı) - Qəbələ - 1:1
Emin Cəfərquliyev, 56 // Deon Barton, 52
24.04.2011. Premyer Liqa. Qəbələ - MOİK (Bakı) - 0:0
