Azərbaycan Premyer Liqasında 2021/22 mövsümünün I turunun ikinci gününün oyunları üçün bütün təyinatlar açıqlanıb. Avqustun 15-də keçiriləcək matçların hakimləri, hakim-inspektor və AFFA nümayəndələri müəyyənləşib. Turun son qarşılaşması olacaq “Neftçi” – “Qəbələ” görüşünün ədalət təmsilçiləri də bilinib. Bakıda keçiriləcək oyunu Elçin Məsiyev idarə edəcək. “Bakcell Arena”dakı matçda onun köməkçiləri Elşad Abdullayevlə Cəmil Quliyev olacaq. Dördüncü hakim funksiyasını Əliyar Ağayev
yerinə yetirəcək. Qarşılaşmanın hakim-inspektoru Anar Salmanov, AFFA nümayəndəsi Seymur Səlimli olacaq.
Xatırladaq ki, avqustun 15-də “Bakcell Arena”da baş tutacaq “Neftçi” – “Qəbələ” matçı saat 20:00-da başlayacaq.
Azərbaycan Premyer Liqası
I tur
15 avqust
20:00. “Neftçi” –“ Qəbələ”
Hakimlər: Elçin Məsiyev, Elşad Abdullayev, Cəmil Quliyev, Əliyar Ağayev
Hakim-inspektor: Anar Salmanov
AFFA nümayəndəsi: Seymur Səlimli
“Bakcell Arena”
