QƏBƏLƏ FC

“Qəbələ” – “Neftçi” 4:1

11 mart 2012. Saat 14:00. Qəbələ şəhər, Böyük Əmili qəsəbə stadionu. 1000 tamaşaçı

Baş hakim: Əliyar Ağayev

Baş hakimin köməkçiləri: Mehman Mahmudov, Munis Abdullayev

Dördüncu hakim: Vüsal Əliyev

AFFA nümayəndəsi: Oqtay Abdullayev

Hakim-inspektor:Gülağa Cabarov

Sarı vərəqələr: Luiz Paulo Hilario, 45+2  // Slavço Georgiyevski, 48

Qollar: Luiz Paulo Hilario, 18; 27; Yannik Kamanan, 78; 83 // Bahodır Nasimov, 66 

Artırılan vaxt: I hissədə - 2 dəq.; II hissədə - 4 dəq.

Unibank  Premyer Liqasının 23-cü turunda final mərhələsinin ilk həftəsində “Qəbələ” doğma meydançada “Neftçi”ni qəbul etdi. Qeyri-sabit və qarlı hava şəraitinə görə matç Qəbələ şəhər stadionunda deyil, klubun Böyük  Əmili kəndində yerləşən məşq bazasında baş tutdu. Prinsipiallığı ilə fərqlənən matçda “Qəbələ” qələbə qazanaraq medallara iddiasını saxlamaq, “Neftçi”isə isə xallarına 3 xal da əlavə etməklə turnir cədvəlinin zirvəsində möhkəmlənmək istəyirdi. 

Matçın ilk 10 dəqiqəsi tərəflərin kəşfiyyat xarakterli hücumları ilə keçdi. Dəqiqələr ötdükcə üstünlüyü ələ alan “Qəbələ” rəqibin müdafiəsini narahat etməyə başladı. Meydan sahiblərinin ön xəttdəki  aktivliyi çox keçmədi ki, öz bəhrəsini verdi. 17-ci dəqiqədə Kamananın zərbəsini topu meydançadan çıxarmaqla zərərsizləşdirən Rauf  Mehdiyev hücumun davamında – künc zərbəsindən sonra bu dəfə Lyubo Baraninin baş zərbəsinə keçid vermədi. O, gözəl tullanışla “meşin yuvarlağı”  kornerə çıxardı. Növbəti künc zərbəsindən sonra isə kiper də komandasına kömək edə bilmədi. Dodo dəqiq baş zərbəsi ilə hesabı açdı – 1:0. “Neftçi” qolun şokundan ayılmamış daha bir dəfə cəzalandırıldı. İlk qoldakı kimi künc zərbəsindən sonra Dodo dublunu rəsmiləşdirdi –2:0. İlk hissənin qalan dəqiqələrində hər iki tərəf təhlükəli epizodlar yaratsalar da, hesab dəyişmədi. Xüsusən 32-ci dəqiqədə Daniel Kruzun əlverişli mövqedən zərbəsinin alınmaması yaddaqalan oldu.

İkinci hissəyə “Neftçi” daha aktiv başladı. Hesabda irəlidə olan “Qəbələ” isə əsasən əks-hücumlar hesabına uğur qazanmağa çalışırdı. Ard-arda hücumlar təşkil edən “Neftçi” 66-cı dəqiqədə hesab arasındakı fərqi azalmağa müəssər oldu. Rəşad Abdullayevdən ideal ötürmə alan Bahodır Nəsimov akrobatik tullanışla baxımlı qola imza atdı – 2:1. Bu qol sanki müdafiəyə diqqət ayıran meydan sahiblərini “ayıltdı”. Tezliklə oyunu bərabərləşdirən “Qəbələ” 78-ci dəqiqədə hesab arasındakı fərqi yenidən iki topa çatdırdı. Rəqibin müdafiə xəttini daim təzyiq altında saxlayan Yannik Kamanan “Neftçi”ni 3-cü dəfə meydanın mərkəzinə dəvət etdi və meydançaya çıxdığı son 3 qarşılaşmada 5-ci qolu aktivinə  yazdı – 3:1. Bu da matçdakı son qol olmadı. 83-cü dəqiqədə Yannik komanda şəklində hücuma atılan “Neftçi”ni bir daha cəzalandırdı. Qolun reallaşmasında Kamananı qapıçı ilə üz-üzə qoyan Viktor Mendinin də payı az olmadı.

Beləliklə, “Qəbələ” Fatih Kavlakın baş məşqçi təyin olunmasından sonra çıxdığı ikinci “Neftçi” duelindən də qələbə ilə ayrıldı və final mərhələsinə uğurlu start verdi.

“Qəbələ”

12. Pavels Doroşevs

4. Mahir Şükürov (k)

6. Lyuba Baranin

8. Bruno da Silva

9. Viktor Mendi

11. Yannik Kamanan

(21. Elmar Baxşıyev, dəq.85)

18. Aleksandr Çertoqanov

20. Stiv Olfers

26. Daniel Lopez Kruz

(15. Nodar Məmmədov, dəq.62)

34. Ürfan Abbasov

77. Luiz Paulo Hillario

(16. Abdulkader Kamara, dəq.90+1)

Ehtiyat oyunçular:

30. Qrem Smit

17. Arif İsayev

22. Murad Hüseynov

33. Saşa Yunisoğlu

Baş məşqçi: Fatih Kavlak

“Neftçi”

1. Rauf Mehdiyev

2. Rail Məlikov (k)

5. İqor Mitreski

6. Slavço Georgiyevski

(19. Mirhüseyn Seyidov, dəq.60)

9. Flavio Aleks Valensio

14. Bahodir Nasimov

15. Ruslan Abışov

18. Ruslan Əmircanov

25. Cavid İmamverdiyev

27. Rəşad Abdullayev

32. Elvin Yunuszadə

(11. Cavid Hüseynov, dəq.76)

Ehtiyat oyunçular:

30. Saşa Stamenkoviç

3. Denis Silva

16. Alessandro Viana da Silva

22. Fərid Quliyev

28. Emin Mehdiyev

Baş məşqçi: Böyükağa Hacıyev