QƏBƏLƏ FC

03 noyabr 2012. Saat 15:00. Qəbələ şəhər stadionu. 1100 tamaşaçı

Baş hakim: Fariz Yusifov

Baş hakimin köməkçiləri: Vaqif Musayev, İlham Əliyev

Dördüncu hakim: Teymur Fərhadov

AFFA nümayəndəsi:  Telman Əzizov

Hakim-inspektor:  Asim Xudiyev

Sarı vərəqələr:  Aleksandr Çertoqanov, 27 (qeyri-idman hərəkəti); Daniel Lopes Kruz, 37 (qeyri-idman hərəkəti); Ürfan Abbasov, 90+2 (vaxtı uzatdığına görə) // Elvin Yunuszadə, 10 (qeyri-idman hərəkəti); Mahir Şükürov, dəq.35 (qeyri-idman hərəkəti); Erik Ramos, 66 (qeyri-idman hərəkəti)  

Qollar: Lourival Assis, 31; Luis Paulo Hilario, 89 // Nikolas Kanales, 32

İstifadə olunmamış penalti: Bruno da Silva, 90+2

Artırılan vaxt: I hissədə - 1 dəq.; II hissədə - 3 dəq.

Premyer Liqanın XII turunda - cari mövsümün ikinci dövrəsinin startında "Qəbələ" doğma meydançada "Neftçi"ni qəbul etdi. Son iki Qəbələ səfərində məğlub olan paytaxt təmsilçisi bu matçda tilsimi qırmağı hədəfləyirdi. Ötən turda "Qarabağ"ı məğlub edən "Qəbələ" isə qələbə qazanmaqla çempionatdakı iddiasını sürdürmək uğrunda mübarizə aparacaqdı.

Matç tərəflərin kəşfiyyat xarakterli hücumları ilə start götürdü. Tədricən üstünlüyü ələ keçirən "Qəbələ" qarşılaşmanın əvvəlində hesabı aça bilərdi. Lakin Assisin ideal ötürməsindən sonra qapıçı ilə üz-üzə qalan Kamanan qapıçı səddini aşa bilmədi. Hücumlarının kəsərini artıran meydan sahibləri görüşün 31-ci dəqiqəsində hesabı açdılar. Lorival Assis dəqiq zərbə ilə baxımlı qola imza atdı - 1:0. Lakin "Qəbələ"nin qol sevinci cəmi bir dəqiqə sürdü. "Qırmızı-qaralar"ın arxa xəttinin ani diqqətsizliyi "Neftçi"nin hesabı bərabərləşdirməsi ilə nəticələndi. Kanales fərqləndi və ilk hissənin hesabını müəyyənləşdirdi - 1:1.

İkinci hissə də "Qəbələ"nin diktəsi ilə keçdi. Mendinin meydançaya çıxmasından sonra hücum xəttində biraz daha fəallaşan meydan sahibləri hissə ərzində bir neçə qol epizodu yaratsalar da, qol yalnız əsas vaxtın tamamlanmasına bir dəqiqə qalmış gəldi. Dodo Rəşad Abdullayevin sağ cinahdan ötürməsindən sonra rəqib müdafiəsindən qayıdan topu birbaşa qüvvətli zərbə ilə tora göndərdi - 2:1. Matçın son yaddaqalan hadisəsi isə əsas vaxta əlavə olunmuş 2-ci dəqiqədə baş verdi. Bir neçə müdafiəçini arxada qoyaraq sağ cinahdan cərimə meydançasına daxil olan Mendinin qarşısı kobudluqla alındı və hakim tərəddüd etmədən 11 metrlik nöqtəni göstərdi. Topa yaxınlaşan Bruno da Silvanın zərbəsi qeyri-dəqiq alındı. Buna baxmayaraq, "Qəbələ" 3 xalı aktivinə yazmağı bacardı və ardıcıl ikinci qələbəsini qazanmaqla çempionatdakı iddiasını sürdürdü. "Neftçi" isə ardıcıl 3-cü Qəbələ səfərindən də əliboş döndü.

“Qəbələ”

30. Anar Nəzirov 

22. Lourival Rodriqes 

10. Luis Paulo Hilario

11. Yannik Kamanan

(9. Viktor Mendi, dəq.69)

15. Umar Kalabane 

18. Aleksandr Çertoqanov  

8. Bruno Da Silva 

(7. Yaşar Abuzərov, dəq.90+2)

26. Daniel Lopes Kruz

(88. Nodar Məmmədov, dəq.72)

27. Rəşad Abdullayev (k) 

84. Dejan Kelhar 

34. Ürfan Abbasov

Ehtiyat oyunçular:

25. Dieqo Kosta Silva

21. Elmar Baxşıyev

23. Şəhriyar Xəlilov

35. Tərzin Cahangirov 

Baş məşqçi: Ramiz Məmmədov

“Neftçi”

30. Saşa Stamenkoviç

4. Tərlan Quliyev

6. Rəşad Sadiqov (k)

5. İqor Mitreski

9. Flavio Aleks Valensio

10. Julius Vobay 

(17. Araz Abdullayev, dəq.70)

11. Nikolas Kanales 

15. Erik Ramos 

22. Mahir Şükürov 

28. Emin Mehdiyev

(21. Kamil Nurəhmədov, dəq.83)

32. Elvin Yunuszadə

Ehtiyat oyunçular:

12. Emil Balayev

3. Saşa Yunisoğlu

7. Rodrigo Sezar Kastro

8. Elşən Abdullayev

19. Mirhüseyn Seyidov

Baş məşqçi: Böyükağa Hacıyev