Bu gün I Liqada XX tura start veriləcək.
“Qəbələ” ikinci oyun günündə meydana çıxacaq. “Qırmızı-qaralar” səfərdə “Baku Sporting”lə qarşılaşacaq.
Görüş Binə qəsəbə stadionunda baş tutacaq. Çempionatın lideri olan “Qəbələ” səfərdə xal qazansa, Misli Premyer Liqasına vəsiqə əldə edəcək.
Cari mövsümdə çempionatda uduzmayan “qırmızı-qaralar” hazırda 49 xala malikdir. Komandamız 4-cü pillədə qərarlaşan “Baku Sporting”dən 23 xal öndədir. “Qəbələ” səfərdən xalsız dönməsə, bu üstünlük sona 7 tur qalmış ilk “üçlük”də yerin təmin olunması üçün yetərli olacaq.
Qeyd edək ki, “Baku Sporting” – “Qəbələ” matçı saat 16:00-da başlayacaq.
I Liqa, XX tur
4 aprel (cümə)
16:00. “Baku Sporting” – “Qəbələ”
Hakimlər: Əli Əliyev, Vüqar Bayramov, Samir Qaracayev, Murad Səlimov
Hakim-inspektor: Babək Quliyev
AFFA nümayəndəsi: Zaur Hacı-Məhərrəmov
Binə qəsəbə stadionu
