Topaz Premyer Liqasının XXV turunun təyinatları açıqlanıb. Aprelin 9-10-da keçiriləcək oyunların hakimləri, AFFA nümayəndələri və hakim-inspektorları bəlli olub. Turun ilk günündə çempionatın liderləri “Qarabağ”la “Qəbələ” üz-üzə gələcək. Bu matça təyinat alan rəsmilər də müəyyənləşib. Bakıdakı Tofiq Bəhramov adına Respublika stadionunda baş tutacaq görüşü Fariz Yusifov idarə edəcək. Onun köməkçiləri Yaşar Abbasov və Elman Musayev olacaq. Qarşılaşmanın dördüncü hakimi funksiyasını Orxan Məmmədov yerinə yetirəcək. Ədalət təmsilçilərinin işinə Əli Hüseynov qiymət verəcək. Oyunun AFFA nümayəndəsi Elbrus Abbasov olacaq.
Xatırladaq ki, aprelin 9-da baş tutacaq “Qarabağ” - “Qəbələ” matçı saat 20:30-da başlayacaq.
Topaz Premyer Liqası
XXV tur
9 aprel (bazar)
20:30. “Qarabağ” – “Qəbələ”
Baş hakim: Fariz Yusifov
Baş hakimin köməkçiləri: Yaşar Abbasov, Elman Musayev
Dördüncü hakim: Orxan Məmmədov
AFFA nümayəndəsi: Elbrus Abbasov
Hakim-inspektor: Əli Hüseynov
Bakı. Tofiq Bəhramov adına Respublika stadionu
