“Qəbələ-2” – “İmişli-2” – 8:0
Samir Ağayev, 10, Allahverdi Şirinov, 34, Cuma Hüseynov, 40, 52, 90+1, Rəvan Əsədov, 54, 62, Daniel Eşimoxay, 78
“Qəbələ-2” növbəti oyununu keçirib.
Komandamız Əvəzedicilər liqasının V turunda “İmişli-2”ni qəbul edib. Qarşılaşma Qəbələ şəhər stadionunun ehtiyat meydançasında baş tutub.
Məhsuldar keçən görüşdə “qırmızı-qaralar” böyük hesabla qalib gəlib. Oyunun ilk yarısında Samir Ağayev hesabı açıb, ardınca Allahverdi Şirinov və Cuma Hüseynov rəqib qapısına yol tapıb.
Fasilədən sonra Cuma dublunu rəsmiləşdirib. Rəvan Əsədov isə 9 dəqiqəyə 2 qola imza atıb. Daniel Eşimoxay isə fərqi 7 topa çatdırıb. Artıılan dəqiqələrdə isə Hüseynov 3-cü dəfə fərqlənərək het-trik müəllifi olub – 8:0.
Beləliklə, mövsümün startında ardıcıl 4-cü qələbəsini qazanan “Qəbələ-2” xallarının sayını 12-yə çatdırıb. Komandamız turnir cədvəlində 1-ci pillədə qərarlaşıb.
Qeyd edək ki, oktyabrın 9-11-də keçiriləcək V turda “Qəbələ-2” səfərdə “Kəpəz-2” ilə qarşılaşacaq.
