“Qəbələ-2” – “Neftçi-2” – 3:2
Cuma Hüseynov, 35, 77, Nasiru Salihu, 46 // Fərid Səfərli, 11, Ömər Qurbanov, 44
“Qəbələ-2” növbəti oyununu keçirib.
“Qırmızı-qaralar” Əvəzedicilər liqasının XVII turunda meydana çıxıb. Komandamız “Neftçi-2”ni qəbul edib.
Qarşılaşma Qəbələ şəhər stadionunun ehtiyat meydançasında keçirilib. “Qırmızı-qaralar” məhsuldar keçən görüşdə əzmkar qələbə qazanıb.
Hesabda iki dəfə geri düşən komandamız öncə Cuma Hüseynovun, fasilədən sonra Nasiru Salihunun qolu ilə bərabərliyə nail olub. Matçın sonlarında dublunu rəsmiləşdirən Hüseynov “Qəbələ-2”yə üç xal qazandıran qolu vurub – 3:2.
17 oyundan sonra komandamızın hesabında 34 xal var. “Qırmızı-qaralar” turnir cədvəlində 4-cü pillədə qərarlaşıb.
Qeyd edək ki, “Qəbələ-2” XVIII turda “Kəpəz-2”nin qonağı olacaq. Martın 2-də Gəncə şəhər stadionunun ehtiyat meydançasında keçiriləcək matç saat 14:00-da başlayacaq.
