«Qəbələ» 2 yoxlama oyunu keçirəcək
Xəbərlər / 2 Sentyabr 2018 | 16:15626
“Qəbələ” milli komandaların oyunları ilə əlaqədar yaranan fasilə dövründə hazırlıqlarını davam etdirir. Məşqlərini Bakıda gerçəkləşdirən “qırmızı-qaralar” iki yoxlama oyunu keçirəcək. Sənan Qurbanovun baş məşqçisi olduğu komanda sentyabrın 4-də MOİK-lə üz-üzə gələcək. I divizion təmsilçisi ilə qarşılaşma “Bakı” FK-nın təlim-məşq bazasında baş tutacaq. “Qəbələ”nin ikinci rəqibi Topaz Premyer Liqasında çıxış edən “Zirə” olacaq. Qəsəbə təmsilçisi ilə matç sentyabrın 8-də keçiriləcək. Bu oyunun baş tutacağı arena yaxın günlərdə dəqiqləşəcək.
Xatırladaq ki, “qırmızı-qaralar”ın hazırlıqlarında milli komandalara çağırılan futbolçular iştirak etmir.
OXŞAR XƏBƏRLƏR
