“Səbail” – “Qəbələ” – 1:3
24 dekabr 2020. Saat 16:00. “ASCO Arena”, tamaşaçısız
Baş hakim: Əliyar Ağayev
Baş hakimin köməkçiləri: Akif Əmirəli, Cavanşir Yusifov
Dördüncü hakim: Rövşən Rəcəbov
Hakim-inspektor: Ramil Diniyev
AFFA nümayəndəsi: Erkin Hüseynov
Sarı vərəqələr: Urfan Abbasov, 4 (qeyri-idman hərəkəti); Rauf Əliyev, 36 (qeyri-idman hərəkəti) // Murad Musayev, 16 (qeyri-idman hərəkəti); Asif Məmmədov, 56 (hakimin qərarına etiraz)
Qollar: Turan Manafov, 52 // Ülvi İsgəndərov, 20; Asif Məmmədov, 28; Ceyms Adeniyi, 90+3
Artırılan vaxt: I hissədə yoxdur; II hissədə 4 dəq.
“Qəbələ” 2020-ci ildə son oyununu keçirib. “Qırmızı-qaralar” Azərbaycan Premyer Liqasının XIII turunda “Səbail”lə qarşılaşıb. Komandamız ilə səfər matçı ilə yekun vurub. Baş məşqçi Elmar Baxşıyev ötən turla müqayisədə start heyətində 4 dəyişiklik edib. Tərlan Əhmədli, Asif Məmmədov, Murad Musayev və Ülvi İsgəndərov ilk dəqiqələrdən meydana çıxıb. Onlar Anar Nəzirov, Cavid Hüseynov, İdris İnqilablı və cəzalı Rövlan Muradovu əvəz edib.
Oyun qarşılıqlı hücumlarla başlayıb. Lakin ilk dəqiqələrdən “Qəbələ”nin hücumları daha yaddaqalan olub. Hər iki qapı önündə təhlükəli vəziyyətlərin yarandığı görüşdə hesab 20-ci dəqiqədə açılıb. Sol cinahdan qapıya vurulan zərbəni qolkiper dəf etsə də, özünü yetirən Ülvi İsgəndərov hesabı açıb. Mövsümdə ilk qolunu vuran futbolçu “Qəbələ”nin heyətində ümumilikdə 6-cı dəfə fərqlənib. Ardıcıl 7-ci görüşdə meydanı qolsuz tərk etməyən “qırmızı-qaralar” 7 dəqiqə sonra yenidən rəqib qapısına yol tapıb. Sol cinahdan qapı önünə göndərilən topu Asif Məmmədov tora qovuşdurub. Bu, təcrübəli yarımmüdafiəçinin komandamızın heyətində 15-ci qolu olub. Buraxılan qollardan sonra meydan sahibləri fəallığı artırsa da, müdafiədə etibarlı oynayan “Qəbələ” buna kəskin hücumlarla cavab verib.
İkinci hissədə də oyunun ssenarisi dəyişməyib. Hesabda geri olan “Səbail” fasilədən sonra dərhal irəli atılıb. Bakılılar 53-cü dəqiqədə istəyinə çataraq Turan Manafovun qolu ilə fərqi minimuma endirib. Paytaxt təmsilçisi məğlubiyyətdən qaçmağa çalışsa da, “qırmızı-qaralar”ın kəskin hücumları daha təhlükəli alınıb. Komandamız bir neçə dəfə fərqi artırmaq üçün əlverişli imkan qazansa da, bundan yararlana bilməyib. Yalnız uzatma dəqiqələrində Ceyms Ademiyi şansı boşa verməyərək fərqi iki topa çatdırıb. Bu, nigeriyalının “Qəbələ”də 13-cü qolu olub. Ardıcıl üçüncü görüşdə xal qazanan “qırmızı-qaralar” xal hesabını 15-ə yüksəldərək 5-ci pilləyə yüksəlib.
“Səbail”
96. Nikolas Hagen
17. Elçin Rəhimli
5. Vüqar Bəybalayev
(29. Amil Yunanov, 87)
14. Rahid Əmirquliyev (k)
34. Urfan Abbasov
11. Rauf Əliyev
22. Əfran İsmayılov
(7. Mirsahib Abbasov, 84)
27. Hendrik Ekşteyn
16. Peyman Keşavarzi
9. Florian Kadriu
(20. Ruslan Hacıyev, 46)
3. Turan Manafov
Ehtiyat oyunçular:
25. Elxan Əhmədov
26. Kamal Qurbanov
28. Məqsəd İsayev
99. Bahadur Həziyev
77. Ədilxan Qarəhmədov
Məşqçi: Emin Ağayev
“Qəbələ”
94. Tərlan Əhmədli
11. Asif Məmmədov (k)
(14. Cavid Hüseynov, 86)
28. Murad Musayev
70. Ülvi İsgəndərov
(74. Yusif Nəbiyev, 90)
77. Merab Qiqauri
32. Nikolas Raysel
13. Yurgen Qoxa
26. Stefan Vukçeviç
2. Vinko Medimoreç
23. Rafael Utriq
(99. Ceyms Adeniyi, 81)
71. Rüfət Əhmədov
Ehtiyat oyunçular:
1. Anar Nəzirov
4. Sadiq Quliyev
7. Roman Hüseynov
9. Ehtiram Şahverdiyev
6. Kamal Mirzəyev
17. Yaovi Akakpo
20. Faiq Hacıyev
55. İdris İnqilablı
Baş məşqçi: Elmar Baxşıyev
