“Qəbələ” – “Neftçi” – 3:1
20 oktyabr 2018. Saat 17:00. Qəbələ şəhər stadionu, 700 tamaşaçı
Baş hakim: Rəhim Həsənov
Baş hakimin köməkçiləri: Akif Əmirəli, Cəmil Quliyev
Dördüncü hakim: Ziya Nəsirov
Hakim-inspektor: Fazil Mürşüdov
AFFA nümayəndəsi: Namiq Məstanov
Sarı vərəqələr: Elvin Camalov, 34 (qeyri-idman hərəkəti); Rasim Ramaldanov, 41 (qeyri-idman hərəkəti); Təmkin Xəlilzadə, 59(qeyri-idman hərəkəti), 67 (hakimi aldatmağa cəhd); Aqil Məmmədov, 85 (oyunun bərpasını ləngitdiyinə görə) // Emin Mahmudov, 59 (qeyri-idman hərəkəti); Kiril Petrov, 64 (qeyri-idman hərəkəti); Anton Krivotsyuk, 82 (qeyri-idman hərəkəti)
Qırmızı vərəqə: Təmkin Xəlilzadə, 67
Qollar: Ceyms Adeniyi, 14, 77; Stiven Monroz, 57 // Kvame Karikari, 90+4
Artırılan vaxt: I hissədə 1 dəq.; II hissədə 5 dəq.
Bu gün Topaz Premyer Liqasında II dövrəyə start verilib. VIII turun ilk matçı Qəbələ şəhər stadionunda keçirilib. Ötən mövsümün mükafatçılarının duelində “Qəbələ” “Neftçi” ilə evdə qarşılaşıb. “Qırmızı-qaralar” ötən turla müqayisədə matça 4 dəyişikliklə başlayıb. Baş məşqçi Sənan Qurbanov Aqil Məmmədov, Elvin Camalov, Lalavele Atakora və Təmkin Xəlilzadəyə ilk dəqiqələrdən şans verib. Əvəzində Dmitri Bezotosnı, Asif Məmmədov, İlqar Qurbanov və Sabien Lilay “11-lik”dən kənarda qalıb.
Matç qarşılıqlı hücumlarla başlayıb. Oyunda hesab 14-cü dəqiqədə açılıb. Elvin Camalovun topu ələ keçirməsindən sonra başlayan hücum qolla nəticələnib. Lalavele Atakoradan ötürmə alan Stiven Monroz topu Ceyms Adeniyinin önünə göndərib. Nigeriyalının uzaq küncə zərbəsi qarşısıalınmaz olub – 1:0. Qoldan sonra da azarkeşlər qarşılıqlı hücumlar izləyib. 31-ci dəqiqədə rəqib müdafiəsindəki boşluqdan yararlanan Cavid Hüseynov sürətlə irəliləsə də, topu özündən qabağa buraxıb. Hər iki komandanın hücumları ilə davam edən görüşün fasiləsinədək hesab dəyişməyib.
İkinci hissə də oxşar ssenari ilə davam edib. 57-ci dəqiqədə Adeniyinin ötürməsindən sonra Monroz fərqi artırıb. “Qəbələ”nin ikinci qolundan sonra qonaqlar xeyli fəallaşsa da, onların bir neçə təhlükəli zərbəsini Aqil Məmmədov dəf edib. Təmkin Xəlilzadənin ikinci sarı vərəqə üzündən meydanı tərk etməsindən sonra komandamız azlıqda qalıb. Lakin sürətli əks-hücumda “qırmızı-qaralar” daha bir dəfə fərqlənib. Monrozun ötürməsindən sonra Adeniyi dublunu rəsmiləşdirib. Qonaqlar isə yalnız matçın sonluğunda fərqlənib. İkinci hissəyə əlavə olunan dəqiqələrdə Kvame Karikari fərqi azaldıb.
Beləliklə, “Qəbələ” mövsümdə 2-ci qələbəsini qazanıb.
“Qəbələ”
30. Aqil Məmmədov
3. Voislav Stankoviç
4. Elvin Camalov
(27.Bəhlul Mustafazadə, 90+1)
5. Rasim Ramaldanov
8. Qismət Alıyev
14. Cavid Hüseynov (k)
(88. Sabien Lilay, 83)
17. Ceyms Adeniyi
21. Atakora Lalavele
28. Stiven Monroz
(10. Rauf Əliyev, 87)
33. Təmkin Xəlilzadə
34. Urfan Abbasov
Ehtiyat oyunçular:
22. Dmitri Bezotosnı
35. Murad Popov
7. Roman Hüseynov
11. Asif Məmmədov
18. İlqar Qurbanov
26. Faiq Hacıyev
32. Amin Seydiyev
79. Əli Sadıxov
99. Abbas Ağazadə
Baş məşqçi: Sənan Qurbanov
“Neftçi”
1. Səlahət Ağayev
18. Tural Axundov
93. Soni Mustivar
8. Emin Mahmudov (k)
(7. Namiq Ələsgərov, 82)
5. Anton Krivotsyuk
4. Rəşad Eyyubov
(22. Mirabdulla Abbasov, 60)
10. Dario Federiko
9. Baqali Dabo
11. Kvame Karikari
21. Məhəmməd Mirzəbəyov
(17. Rəhman Hacıyev, 72)
25. Kiril Petrov
Ehtiyat oyunçular:
94. Rəşad Əzizli
12. Kamran İbrahimov
77. Elvin Sərkərov
26. Ömər Buludov
70. Əli Şirinov
37. Vüsal Əsgərov
Baş məşqçi: Roberto Bordin
