“Qarabağ” – “Qəbələ” – 2:1
Azərbaycan Kuboku, ½ final mərhələsi, cavab oyunu
1 may 2019. Saat 17:00. Tofiq Bəhramov adına Respublika Stadionu, 2000 tamaşaçı
Baş hakim: İnqilab Məmmədov
Baş hakimin köməkçiləri: Rahil Ramazanov, Pərvin Talıbov
Dördüncü hakim: Rəşad Əhmədov
Hakim-inspektor: Babək Quliyev
AFFA nümayəndəsi: Ələddin Ələkbərov
Sarı vərəqələr: Mahir Mədətov, 30 (qeyri-idman hərəkəti) // Cavid Hüseynov, 20 (hakimin qərarına etiraz); Voislav Stankoviç, 49 (qeyri-idman hərəkəti); Amin Seydiyev, 65 (qeyri-idman hərəkəti); Sabien Lilay, 83 (oyunun bərpasınə ləngitdiyinə görə); Atakora Lalavele, 85 (qeyri-idman hərəkəti); Anar Nəzirov, 90+1 (oyunun bərpasını ləngitdiyinə görə)
Qırmızı vərəqə: Markos Madera, oyundan sonra (rəqibə başla zərbə vurduğuna görə)
Qollar: Markos Madera, 37; Dani Kintana, 58 // Davit Volkov, 82
Artırılan vaxt: I hissədə 3 dəq; II hissədə 4 dəq.
İlk oyun – 0:1
Bu gün Azərbaycan kubokunda yarımfinal mərhələsinin cavab oyunlarına start verilib. Günün ilk oyunu Tofiq Bəhramov adına stadionunda keçirilib. “Qəbələ” Ağdamın “Qarabağ” klubunun qonağı olub.
Görüşün startında daha fəal olan meydan sahibləri matça ardıcıl hücumlarla başlayıb. Müdafiədə etibarlı oyun göstərən “qırmızı-qaralar” ilk qarşılaşmada qazandığı minimal üstünlüyü qorumaq, imkan düşdükcə əks-hücumlarda fərqlənməyə çalışıb. İlk hissənin sonlarında “Qarabağ” hesabı açmağa nail olub. Bu qol oyunun axarını da dəyişib. “Qəbələ” üstünlüyü ələ alaraq bərabərlik qolu vurmaq üçün irəli atılıb. Lakin fasiləyədək hesab dəyişməyib.
İkinci yarıda azarkeşlər daha maraqlı futbol izləyiblər. Öncə meydan sahibləri fərqləniblər. İkinci qolu vuran ağdamlılar ümumi hesabı xeyirlərinə dəyişiblər. Lakin finala vəsiqə üçün sonadək mübarizə aparan “Qəbələ”nin hücumları da kifayət qədər kəsərli alınıb. Belə həmlələrdən birində Davit Volkov fərqlənib. Bundan sonra “Qarabağ” daha çox hücum etməyə məcbur olub ki, “qırmızı-qaralar” da sürətli əks-həmlə imkanları qazanıb. Lakin hesab dəyişməyib və qarşılaşma meydan sahiblərinin 2:1 hesablı qələbəsi ilə nəticələnib. Nəticədə “Qəbələ” səfərdə vurulan qolun gətirdiyi üstünlük hesabına finala yüksəlib. Tarixində 4-cü dəfə həlledici qarşılaşmada oynayacaq komandamız ardıcıl üçüncü dəfə buna nail olub. “Qırmızı-qaralar”ın finaldakı rəqibi bu gün keçiriləcək “Zirə” – “Sumqayıt” matçında bəlli olacaq.
“Qarabağ”
12. Şahruddin Məhəmmədəliyev
4. Rahil Məmmədov
30. Abbas Hüseynov
(19. Filip Ozobiç, 88)
55. Bədavi Hüseynov (k)
20. Riçard Almeyda
17. Abdullah Zubir
6. Simeon Slavçev
(9. Araz Abdullayev, 84)
77. Donald Qerye
8. Markos Madera
10. Dani Kintana
11. Mahir Mədətov
Ehtiyat oyunçular:
94. Nicat Mehbalıyev
14. Rəşad Sadıqov
2. Qara Qarayev
7. İnnosent Emeqara
99. Reynaldo Silva
18. İsmayıl İbrahimli
21. Hacıağa Hacılı
71. Toral Bayramov
Baş məşqçi: Qurban Qurbanov
“Qəbələ”
1. Anar Nəzirov
34. Urfan Abbasov
14. Cavid Hüseynov (k)
4. Elvin Camalov
(21. Atakora Lalavele, 62)
10. Rauf Əliyev
(5. Rasim Ramaldanov, 90+3)
3. Voislav Stankoviç
17. Ceyms Adeniyi
88. Sabien Lilay
(11. Asif Məmmədov, 84)
9. Davit Volkov
27. Bəhlul Mustafazadə
2. Amin Seydiyev
Ehtiyat oyunçular:
35. Murad Popov
18. İlqar Qurbanov
8. Qismət Alıyev
7. Roman Hüseynov
98. Rövlan Muradov
Baş məşqçi: Zaur Həşimov
