“Qəbələ” – AZAL – 2:0
15 may 2016. Saat 18:00. Qəbələ şəhər stadionu, 1000 tamaşaçı
Baş hakim: Rəvan Həmzəzadə
Baş hakimin köməkçiləri: Yaşar Abbasov, Rahil Ramazanov
Dördüncü hakim: Mahir Məmmədov
AFFA nümayəndəsi: Maşallah Əhmədov
Hakim-inspektor: Vüsal Əliyev
Sarı vərəqələr: Vitali Vernidub, 57 (qeyri-idman hərəkəti); Ermin Zets, 79 (qeyri-idman hərəkəti); Vojislav Stankoviç, 90 (qeyri-idman hərəkəti) // Adan Koronado, 81 (qeyri-idman hərəkəti); Rail Məlikov, 83 (qeyri-idman hərəkəti); Aleksandr Quruli, 90 (qeyri-idman hərəkəti)
Qollar: Asif Məmmədov, 21; Kamil Hüseynov, 87 (ö.q)
Artırılan vaxt: I hissədə - yoxdur.; II hissədə 3 dəq.
Bu gün Topaz Premyer Liqasında XXXV turun oyunları keçirilib. Mükafatçılar sırasına düşmək uğrunda mübarizə aparan “Qəbələ” AZAL-la qarşılaşıb. Komandamız mövsümün son ev oyununa ötən turun “Qarabağ”la görüşü ilə müqayisədə 3 dəyişikliklə çıxıb. Cəzası başa çatan Rəşad Sadiqov, həmçinin Vitali Vernidub və Rikardinyo ilk “11-lik”də yer alıb. Məhəmməd Mirzəbəyov, Aleksey Antonov və Ruslan Abışov isə start heyətindən kənarda qalıb. Heyətə dönən Sadiqov matça kapitan sarğısı ilə başlayıb.
Bu qarşılaşma komandamızın iki legioneri üçün yubileylə də əlamətdar olub. Aleksey Qay 70-ci, Dmitri Bezotosnı 60-cı dəfə “qırmızı-qara” formada meydana çıxıb. Oyun qarşılıqlı hücumlarla başlasa da, daha fəal təsir bağışlayan “Qəbələ” ərazi üstünlüyünə yiyələnə bilib. Qarşılaşmanın əvvəlində “qırmızı-qaralar” bir neçə təhlükəli epizod da əldə edib. Lakin nə Ermin Zets, nə də komanda yoldaşları imkandan yararlanıb. 20-ci dəqiqədə hesab açılıb. Sağ cinahdan hücuma qoşulan Ürfan Abbasovun qapı önünə ötürməsini Asif Məmmədov dəqiq zərbəylə tamamlayıb. Bu, onun “Qəbələ”də 7-ci qolu olub. Buraxılan qoldan sonra qonaqlar hesabda tarazlıq yaratmağa çalışsa da, “qırmızı-qaralar” üstünlüyü rəqibə verməyib. Amma qarşılıqlı hücumlar ilk yarının sonunadək hesabın dəyişməsi üçün yetərli olmayıb.
İkinci hissə də “Qəbələ”nin üstünlüyü ilə keçib. Ön xətdə fəal olan Asiflə Ermin rəqib müdafiəçilərini gərginlikdə saxlayıb. Əks-hücumlara ümid edən qonaqların həmlələri zamanı isə “qırmızı-qaralar”ın müdafiəçiləri etibarlı oynayıb. Roman Qriqorçuk ikinci hissədə Aleksey Antonovla Rəşad Eyyubovu meydana buraxaraq, fərqi artırmaq üçün hücum xəttini gücləndirib. “Qəbələ”nin hücumları matçın sonlarında bəhrəsini verib. Asif Məmmədovun sağ cinahdan ötürməsini Kamil Hüseynov öz qapılarına göndərib. Beləliklə, 2:0 hesabı ilə qalib gələn “qırmızı-qaralar” xal hesabını 56-ya çatdırıb.
“Qəbələ”
22. Dmitri Bezotosnı
3. Vojislav Stankoviç
6. Rəşad Sadiqov (k)
7. Ermin Zets
(69. Aleksey Antonov, 76)
11. Asif Məmmədov
(97. Roman Hüseynov, 90)
15. Vitali Vernidub
19. Aleksey Qay
20. Rikardinyo
25. Qismət Alıyev
34. Ürfan Abbasov
66. Samir Zərgərov
(32. Rəşad Eyyubov, 46)
Ehtiyat oyunçular:
33. David Pietrzkeviç
5. Pavel Paşayev
8. Məhəmməd Mirzəbəyov
13. Murad Musayev
Baş məşqçi: Roman Qriqorçuk
AZAL
16. Stanislav Namaşko
2. Rail Məlikov (k)
3. Tural Hümbətov
24. Emin Cəfərquliyev
5. Kamil Hüseynov
14. İlqar Ələkbərov
23. Hacı Əhmədov
21. Murad Səttarlı
(11. Ruslan Nəsirli, 46)
10. Nuqzar Kvirtiya
(88. Mirzağa Hüseynpur, 78)
77. Adan Koronado
9. Aydın Qasımov
(27. Aleksandr Quruli, 68)
Ehtiyat oyunçular:
1. Amil Ağacanov
19. Məhəmməd Bədəlbəyli
63. Seyidrəzi Ağayev
4. Qvanzav Maqomedov
Baş məşqçi: Tərlan Əhmədov
