“Qəbələ” – AZAL – 3:0
19 sentyabr 2016. Saat 18:00. Qəbələ şəhər stadionu, 1000 tamaşaçı
Baş hakim: İnqilab Məmmədov
Baş hakimin köməkçiləri: Vüqar Bayramov, Vüsal Qənbərov
Dördüncü hakim: Rza Məmmədov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Rauf Əmirov
Hakim-inspektor: Rövşən Əhmədov
Sarı vərəqələr: Tural Qürbətov, 41 (qeyri-idman hərəkəti); Ruslan Əmircanov, 54 (hakim qərarına etiraz); İlqar Ələkbərov, 79 (qeyri-idman hərəkəti); Qvanzav Maqomedov, 90+2(qeyri-idman hərəkəti)
Qollar: Filip Ozobiç, 31; Ruslan Qurbanov, 56; Roman Hüseynov, 65
Artırılan vaxt: I hissədə - yoxdur.; II hissədə 3 dəq.
“Qəbələ” Topaz Premyer Liqasında növbəti oyununu keçirib. “Qırmızı-qaralar” V turun ikinci oyun günündə AZAL-la qarşılaşıb. Mövsümdə ilk dəfə Qəbələ şəhər stadionuna çıxan komandamız matça 3 xal iddiası ilə başlayıb. “Qəbələ” paytaxt təmsilçisinə qarşı 31-ci duelə ötən turla müqayisədə meydana fərqli heyətlə çıxıb. “Neftçi” ilə görüşdə start heyətində yer alan 4 futbolçu bu dəfə “11-lik”dən kənarda qalıb. Elvin Camalov, Rəşad Sadiqov, Baqali Dabo və Rikardinyonun yoxluğunda Qismət Alıyev, Sergey Zenyov, Teo Uiks, Urfan Abbasov şans qazanıblar. Məmmədov ilk dəfə meydana kapitan sarğısı ilə çıxıb.
Matç gözlənildiyi kimi kəşfiyyatsız başlayıb. İlk dəqiqələrdən üstünlüyü ələ alan “qırmızı-qaralar” rəqib qapısına ardıcıl hücumlar təşkil etməyə başlayıblar. Lakin topa nəzarəti tam ələ almasına baxmayaraq, futbolçularımız ilk yarım saatda real qol vəziyyəti yaratmaqda çətinlik çəkib. Düzdü, 13-cü dəqiqədə Zenyov ilk belə imkanı qaçırıb. Ardınca isə Ruslan Qurbanovun ötürməsini kapitan boşa verib. Müdafiəyə çəkilən bakılıların müqavimətini yalnız 31-ci dəqiqədə qırmaq mümkün olub. Filip Ozobiç ardıcıl 2-ci çempionat oyununda qol sevinci yaşayıb – 1:0. Bu, onun “Qəbələ” formasında 4-cü qolu olub. Hesab açıldıqdan sonra da matçın ssenarisi dəyişməz qalıb. Lakin “qırmızı-qaralar” fasiləyədək 2-ci topu vura bilməyib.
İkinci yarı də “Qəbələ”nin üstünlüyü şəraitində keçib. Fasilədən cəmi 10 dəqiqə sonra komandamız hücumlarının bəhrəsini görüb. Ötən tur dubla imza atan Qurbanov “qırmızı-qara” formadakı qollarının sayını 3-ə çatdırıb – 2:0. Bu qolla oyunun taleyi böyük ölçüdə həll edən “Qəbələ” topa nəzarəti əldən verməyib. Əksinə, hücumlarının kəsərini daha da artıran futbolçularımız rəqib qapısı önündə daha çox gərginlik yaratmağa çalışıb. Hissənin ortalarında isə hesabı dəyişmək mümkün olub. Sonradan meydana daxil olan Roman Hüseynov qonaqları 3-cü dəfə mərkəzdən başlamağa məcbur edib. Bu, gənc futbolçunun əsas komandada ilk qolu olub. O, 5-ci matçında qol hesabını açıb. 3-cü qoldan sonra fərqi artırmağa çalışan komandamız hesabı dəyişə bilməyib. Hərçənd matçın sonunadək topa nəzarət edən “qırmızı-qara” daha bir neçə epizodda fərqlənməyə yaxın olub.
Beləliklə, ardıcıl 2-ci böyükhesablı qələbəsini qazanan “Qəbələ” xal hesabını 10-a çatdırıb. Cari mövsümdə qol buraxmayan Dmitri Bezotosnı ümumilikdə 6 çempiona oyunudur ki, qapısını toxunulmaz saxlayır. Onun quru seriyası 598 dəqiqəyə çatıb.
“Qəbələ”
22. Dmitri Bezotosnı
3. Voislav Stankoviç
8. Qismət Alıyev
(21. Roman Hüseynov, 46)
9. Sergey Zenyov
10. Ruslan Qurbanov
11. Asif Məmmədov (k)
(6. Rəşad Sadiqov, 46)
15. Vitali Vernidub
17. Məhəmməd Mirzəbəyov
(88. Tellur Mütəllimov, 67)
19. Filip Ozobiç
27. Teo Uiks
34. Urfan Abbasov
Ehtiyat oyunçular:
33. David Pietrzikeviç
13. Murad Musayev
18. Baqali Dabo
30. Petar Franyiç
Baş məşqçi: Roman Qriqorçuk
AZAL
1. Rəşad Əzizli
2. Elşad Manafov
(15. Brayn Fok, 71)
3. Tural Hümbətov
4. Qvanzav Maqomedov
7. Kamal Mirzəyev
11. Ruslan Nəsirli
(88. Mirzağa Hüseynpur, 70)
14. İlqar Ələkbərov
9. Röyal Nəcəfov
18. Ruslan Əmircanov
(10. Nuqzar Kvirtiya, 60)
24. Emin Cəfərquliyev (k)
77. Adan Koronado
Ehtiyat oyunçular:
90. Hossein Kamelqolamitussi
95. Şirməmməd Məmmədov
19. Elnur Süleymanov
21. David Canelidze
Baş məşqçi: Tərlan Əhmədov
