“Qəbələ” – “Sabah” – 1:0
Azərbaycan Kuboku, ¼ final mərhələsi, ilk oyun
16 dekabr 2018. Saat 14:00, Qəbələ şəhər stadionu, 150 tamaşaçı
Baş hakim: Rəvan Həmzəzadə
Baş hakimin köməkçiləri: Yaşar Abbasov, Cəmil Quliyev
Dördüncü hakim: İnqilab Məmmədov
Hakim-inspektor: Fazil Mürşüdov
AFFA nümayəndəsi: Eldar Qasımov
Sarı vərəqələr: Filip İvanoviç, 59 (qeyri-idman hərəkəti)
Qol: Filip İvanoviç, 45 (ö.q.)
Artırılan vaxt: I hissədə - 1 dəq.; II hissədə - 4 dəq.
“Qəbələ” Azərbaycan kubokunda 2018-2019-cu illər mövsümünə start verib. “Qırmızı-qaralar” 1/4 final mərhələsindən mübarizəyə başlayıb. Sənan Qurbanovun baş məşqçisi olduğu komanda “Sabah”la ilk oyunu öz meydanında keçirib. “Qəbələ” Topaz Premyer Liqasının XIV turunun “Səbail”lə görüşü ilə müqayisədə matça bir dəyişikliklə başlayıb. Ürfan Abbasov start heyətində yer alıbsa, Lalavele Atakora “11-lik”dən kənarda qalıb.
Qarşılıqlı hücumlarla başlayan oyunun gedişində təşəbbüsü ələ alan “qırmızı-qaralar” cüzi ərazi üstünlüyünə malik olub. Bunun da nəticəsində “Qəbələ”nin hücumları daha kəsərli alınıb. Nəticədə qonaqların qapısı önündə daha çox qol epizodu yaranıb. Öncə Təmkin Xəlilzadənin cinah ötürməsindən sonra Ceyms Adeniyinin zərbəsini rəqib qolkiper qaytarıb. Az sonra sonuncudan ötürmə alan Rauf Əliyevin baş zərbəsi zamanı top tirin üstündən keçib. Hücumçu hissənin gedişində daha bir dəfə başla qapını nişan almağa çalışsa da, dəqiq oynaya bilməyib. Sol cinahdan ötürmə zamanı Stiven Monrozun zərbəsində top dirəkdən dönüb. Ardıcıl hücumlar bəhrəsini fasilə öncəsi verib. Cərimə meydanında irəliləyib topu komanda yoldaşına göndərən Ceyms Adeniyinin ötürməsini rəqib müdafiəçinin toxunuşu qapayıb. Filip İvanoviçin avtoqolu ilə matçda hesab açılıb – 1:0.
İkinci hissəyə qonaqlar fəal başlasa da, “Qəbələ”nin hücumları daha yaddaqalan olub. Əvvəl Rauf Əliyev fərqlənməyə yaxın olub. Lakin 60-cı dəqiqədə əlverişli mövqeyə çıxan hücumçu topa çatmayıb. 3 dəqiqə sonra bir neçə müdafiəçidən sıyrılan Ceyms Adeniyinin qüvvətli zərbəsini qapıçı kornerə çıxarıb. Künc zərbəsindən sonra Stiven Monrozun başla toxunuşu istənilən kimi alınmayıb. “Sabah”ın cavab həmləsində isə Miloş Boşançiçin güclü zərbəsini Dmitri Bezotosnı dəf edib. Stiven Monrozun cərimə meydanının xətti yaxınlığından endirdiyi zərbə zamanı top tirin üstündən keçib. Görüşün sonluğu qarşılıqlı qol epizodlarının qaçırılması ilə diqqət çəkib. Hər komanda bir neçə şansı boşa verib ki, “Qəbələ”də Rauf Əliyevlə Stiven Monroz əlverişli imkandan yararlana bilməyib.
Beləliklə, “Qəbələ” Azərbaycan kubokunda mübarizəyə 1:0 hesablı qələbə ilə başlayıb. “Sabah”la 1/4 final mərhələsinin cavab oyunu dekabrın 20-də keçiriləcək.
“Qəbələ”
22. Dmitri Bezotosnı
3. Voislav Stankoviç
8. Qismət Alıyev
10. Rauf Əliyev
(4. Elvin Camalov, 83)
14. Cavid Hüseynov (k)
17. Ceyms Adeniyi
27. Bəhlul Mustafazadə
28. Stiven Monroz
33. Təmkin Xəlilzadə
(2. Amin Seydiyev, 90+2)
34. Urfan Abbasov
88. Sabien Lilay
Ehtiyat oyunçular:
30. Aqil Məmmədov
35. Murad Popov
5. Rasim Ramaldanov
11. Asif Məmmədov
21. Atakora Lalavele
26. Faiq Hacıyev
79. Əli Sadıxov
99. Abbas Ağazadə
Baş məşqçi: Sənan Qurbanov
“Sabah”
30. Saşa Stamenkoviç
13. Filip İvanoviç
(97. Emil Qasımov, 75)
33. Eltun Turabov
8. Elşən Abdullayev
(6. Vadim Abdullayev, 80)
19. Məqsəd İsayev
10. Cavid İmamverdiyev (k)
4. Tərzin Cahangirov
25. Vanderson Silva
5. Kərim Diniyev
22. Miloş Bosançiç
11. Elgün Nəbiyev
(77. Şakir Seyidov, 66)
Ehtiyat oyunçular:
1. Tərlan Əhmədli
21. Novruz Məmmədov
27. Bəxtiyar Soltanov
2. Ülvi İbazadə
3. Elvin Bədəlov
14. Tural Qürbətov
Baş məşqçi: Elşad Əhmədov
