«Qəbələ» «Bakı» ilə oyuna hazırlaşır - Fotoreportaj
Xəbərlər / 5 May 2014 | 18:47198
Topaz Premyer Liqasının XXXIV turu çərçivəsində Qəbələdə "Bakı"nı qəbul edəcək "qırmızı-qaralar" matçın hazırlıqlarını doğma məkanda davam etdirir. Ötən turdan ("Neftçi"-"Qəbələ" 1:2) sonra bir gün istirahət edən, ardından isə Qəbələdə biraraya gələn "qırmızı-qaralar" dünəndən məşq prosesini bərpa edib. Bu gün Yuri Syominin rəhbərliyi altında baş tutan məşq prosesinə zədəli olan Nikola Valentiç və Dieqo Koşta Silva qatılmayıb. Hazırlıq zamanı komanda müxtəlif toplu və topsuz çalışmalar yerinə yetirib. "Qəbələ" matç öncəsi son məşqini sabah keçirəcək.
Xatırladaq ki, "Qəbələ"-"Bakı" görüşü mayın 7-də saat 17:00-da start götürəcək. Oyun İdman Azərbaycan telekanalı vasitəsilə canlı yayımlanacaq.
OXŞAR XƏBƏRLƏR
