“Xəzər Lənkəran” 3:0 “Qəbələ”
7 dekabr 2014. Saat 17:00. “Bayıl Arena”, 500 tamaşaçı
Baş hakim: Elvin Əsgərov
Baş hakimin köməkçiləri: Elşən Acalov, Mübariz Haşımov
Dördüncü hakim: Vüsal Əliyev
AFFA nümayəndəsi: Rauf Əmirov
Hakim-inspektor: Əli Hüseynov
Sarı vərəqələr: Deyan Blajevski, 28 (qeyri-idman hərəkəti); Rahid Əmirquliyev, 54 (qeyri-idman hərəkəti); Rasim Ramaldanov, 79 (qeyri-idman hərəkəti) // Ruslan Abışov, 26 (qeyri-idman hərəkəti); Cavid Hüseynov, 58 (qeyri-idman hərəkəti); Pavol Farkaş, 82 (qeyri-idman hərəkəti); Adrian Ropotan, 85 (qeyri-idman hərəkəti)
Qollar: Qalin İvanov, 7; Ruslan Tağızadə, 32 (ö.q); Ağabala Ramazanov, 50
Artırılan vaxt: I hissədə 1 dəq.; II hissədə 2 dəq.
Bu gün Topaz Premyer Liqasında XV turun oyunları keçirilib. “Qəbələ” səfər matçında “Xəzər Lənkəran”la qarşılaşıb. Lənkəran şəhər stadionunun durumu ilə əlaqədar qarşılaşma Bakıdakı “Bayıl Arena”da baş tutub. XIV turun “Neftçi” ilə oyunu ilə müqayisədə Dorinel Muntyanu heyətdə iki dəyişiklik edib. Cəzası başa çatdıqdan sonra heyətə qayıdan Adrian Ropotan və Ruslan Tağızadə start “11-liy”ində yer alıblar. Sadiq Quliyev və Elvin Camalov isə yerlərini daha təcrübəli komanda yoldaşlarına verməli olublar.
Qarşılaşma meydan sahiblərinin hücumları ilə başlayıb. İlk dəqiqələrdən irəli atılan cənublular artıq 6-cı dəqiqədə hesabı açıb. Qalin İvanov Ürfan Abbasovun uzaqlaşdırmaq istədiyi topu qapıdan keçirib. İlk yarı boyu daha çox hücum edən meydan sahibləri 2-ci topu da vurmağa müvəffəq olub. Rahid Əmirquliyevin cinah ötürməsindən sonra sinəsi ilə qapıçıya ötürmə vermək istəyən Ruslan Tağızadə avtoqol müəllifi olub. Əks hücumlara bel bağlayan “qırmızı-qaralar” əzmkarca mübarizə aparsa da, rəqib qapısı önündə ciddi təhlükə yaratmaqda çətinlik çəkiblər. İlk yarı Markinyoşun zədələnməsi ilə də diqqət çəkib. Xəsarət alan futbolçu mübarizəni davam etdirməyə çalışsa da, az sonra əvəzlənməsi zəruri olub. Fasilədən sonra da oyunun ssenarisi dəyişməyib. Hissənin əvvəlində Ağabala Ramazanov cinah ötürməsini başla tamamlayıb. Bu qoldan sonra “Qəbələ” oyunda tarazlıq yaradıb. Az sonra isə Dodonun fəallığı ilə “qırmızı-qaralar” ərazi üstünlüyünə də yiyələnə bilib. 63-cü dəqiqədə braziliyalının təhlükəli cərimə zərbəsində bir az dəqiqlik çatmayıb. Sonra isə Dodo ilə yanaşı, Cavid Hüseynovun da fəallığı nəticəsində real qol vəziyyəti yaranmasa da, qol axtarışları diqqət çəkib. 80-ci dəqiqədə cənubi amerikalının cərimə zərbəsini meydan sahiblərinin qapıçısı çətinliklə də olsa dəf edə bilib. Lakin “Qəbələ” futbolçularının bütün səylərinə baxmayaraq, hesabda fərqi azaltmaq mümkün olmayıb. Matçın sonlarında isə Kamran Ağayev hesabın daha böyük olmasına imkan verməyib. Kapitan onunla üz-üzə qalan Qalin İvanovla dueldən qalib ayrılıb. Beləliklə, 0:3 hesabı ilə məğlub olan “qırmızı-qaralar” Bakı səfərindən xalsız ayrılıb.
“Xəzər Lənkəran”
19. Vyekoslav Tomiç
3. Vanderson Skarduelli
5. Tyeqo de Xesus
6. Rəşad Sadiqov
8. Qalin İvanov
(97. Elnur Cəfərov, 88)
14. Rahid Əmirquliyev (k)
18. Tural Cəlilov
(10. Elnur Abdullayev, 75)
33. Rasim Ramaldanov
55. Ağabala Ramazanov
63. Alfred Sankoh
99. Deyan Blajevski
(17. Kazım Kazımlı, 90+2)
Ehtiyat oyunçular:
12. Cahangir Həsənzadə
13. Aleksandr Şemonayev
28. Fernando Qabriel
72. Elvin Mirzəyev
Baş məşqçi: Oğuz Çətin
“Qəbələ”
1. Kamran Ağayev (k)
8. Markus Vidal
(27. Bəxtiyar Soltanov, 21)
10. Dodo
14. Cavid Hüseynov
15. Ruslan Abışov
(21. Yazalde Pinto, 69)
16. Ruslan Tağızadə
25. Adrian Ropotan
26. Pavol Farkaş
34. Urfan Abbasov
44. Rafael Santos
90. Ekiqo Ehiosun
(4. Elvin Camalov, 46)
Ehtiyat oyunçular:
30. Anar Nəzirov
5. Sadiq Quliyev
13. Murad Musayev
99. Tellur Mütəllimov
Baş məşqçi: Dorinel Munteanu
