Mövsümün ikinci yarısına Türkiyədə hazırlaşan “Qəbələ” sabah növbəti yoxlama oyununu keçirəcək. Yanvarın 14-də keçirilən ilk matçda Macarıstanın MTK klubu ilə üz-üzə gələn “qırmızı-qaralar” (0:3) Rusiya təmsilçisi “Çayka” ilə qarşılaşacaq. Oyun “Titanik” meydançalarında baş tutacaq. Komandamızın Antalyadakı ikinci qarşılaşması Bakı vaxtı ilə saat 19:00-da başlayacaq.
Pesçanokopskoyeni təmsil edən “Çayka” klubunun əsası 1997-ci ildə qoyulub. 23 yaşlı klub Rusiya çempionatının 1-ci dəstəsində - Milli Futbol Liqasında mübarizə aparır. 25 oyunda 36 xal toplayan komanda cari mövsümün qış fasiləsinə 9-cu pillədə yollanıb.
Xatırladaq ki, “Qəbələ” Antalyada daha iki yoxlama oyununda qüvvəsini sınayacaq. Komandamız yanvarın 22-də Bolqarıstanın “Etar”, 25-də bu ölkənin digər təmsilçisi “Dunav” ilə qarşılaşacaq.
Yoxlama oyunu
18 yanvar
19:00. “Qəbələ” – “Çayka” (Rusiya)
“Titanik” meydançaları
