“Qəbələ”nin aşağı yaş qrupları üzrə komandaları AFFA-nın təşkilatçılığı ilə keçirilən yarışlarda növbəti oyunlarına çıxıb. Son 4 qarşılaşmada komandalarımız 2 qələbə qazanıb ki, bunların hər ikisində böyükhesablı nəticə qeydə alınıb. U-17 ev oyununda “Rəvan”ı 8:0 hesabı ilə məğlub edib. 17 oyunda 46 xal toplayan “qırmızı-qaralar” 2-ci pillədə qərarlaşıb. 2 oyun az keçirən “qırmızı-qaralar” çempionatın potensial lideridir. U-15 öz meydanında “Sumqayıt”ın qapısından 3 cavabsız qol keçirib. 27 turdan sonra hesabında 79 xal olan “qırmızı-qaralar” çempionatın lideridir.
Paytaxt regionunun Bakıdakı oyunlarında çıxış edən U-14 “İnter”lə qolsuz heç-heçə edib. Komandamız 16 turdan sonra 33 xalla 2-cidir. Eyni zonada çıxış edən U-13 “Neftçi”yə uduzub – 1:2. 14 matçda 30 xal toplayan “Qəbələ” 2-ci pillədə qərarlaşıb.
