“Qəbələ” – “Kəpəz” – 2:1
17 dekabr 2016. Saat 14:00. Qəbələ şəhər stadionu, 1000 tamaşaçı
Baş hakim: Əliyar Ağayev
Baş hakimin köməkçiləri: Rza Məmmədov, Rahil Ramazanov
Dördüncü hakim: Ziya Nəsirov
AFFA nümayəndəsi: Eldar Qasımov
Hakim-inspektor: Murad Məmmədov
Sarı vərəqələr: Rafael Santos, 51 (qeyri-idman hərəkəti); Voislav Stankoviç, 75 (sistematik qayda pozuntusuna görə) // Renan da Silva, 22 (qeyri-idman hərəkəti), 82 (qeyri-idman hərəkəti)
Qırmızı vərəqə: Renan da Silva, 82
Qollar: Filip Ozobiç, 23 (p.); Ruslan Qurbanov, 83 (p.) // Tural Axundov, 77 (p.)
Artırılan vaxt: I hissədə - yoxdur.; II hissədə 4 dəq.
Bu gün Topaz Premyer Liqasında XIV tura start verilib. İkinci dövrənin və mövsümün ilk yarısının son turunun ilk qarşılaşması Qəbələdə baş tutub. “Kəpəz”lə oyunu Gəncədə keçirilməli olan “Qəbələ” matçın yeri dəyişdirildiyindən rəqibini doğma meydanda qəbul edib. Ötən turun “Qarabağ”la oyunu ilə müqayisədə “qırmızı-qaralar”ın start heyətində 3 dəyişiklik olub. Nika Kvekveskiri, Sergey Zenyov və Məhəmməd Mirzəbəyova ilk “11-lik”də şans verən baş məşqçi Roman Qriqorçuk Rikardinyo, Teo Uiks və cəzalı Ürfan Abbasovu start heyətindən kənarda saxlayıb. Bu oyunçulardan Teo ehtiyatda qalıbsa, digər ikisi “18-liy”ə düşməyib.
Matça fəal başlayan “Qəbələ” artıq ilk dəqiqədə rəqib qapısına zərbə endirib. Nikanın qapı önünə hava ilə göndərdiyi ötürməni Vitali Vernidub tamamlasa da, müdafiəçiyə dəqiqlik çatmayıb. Ardınca isə Ruslan Qurbanovun ötürməsini akrobatik zərbə ilə qapayan Zenyov çərçivəyə düşməyib. Rəqibini cərimə meydanına sıxışdıran “Qəbələ” hücumlarını davam etdirib. Qonaqlar isə nadir əks-hücumlara ümid etməklə əsasən müdafiəyə diqqət ayırıblar. Hər iki cinahla rəqibi keçməyə cəhd edən komandamız uzaq zərbələrlə də müdafiə səddini yarmağa cəhd edib. Nikanın uzaqdan təhlükəli zərbəsini qapıçı dəf edib. Gəncəlilərin azsaylı hücumlarından birinə sürətli həmlə ilə cavab verən komandamız hissənin ortalarında hesabı açmağa yaxın olub. Lakin Qurbanovun ötürməsindən sonra Rəşad Sadiqov yaxın məsafədən topu tirin üstündən vurub. “Qəbələ”nin ardıcıl hücumları bəhrəsini verib. Ruslana qarşı qayda pozuntusuna görə təyin olunan penaltini Filip Ozobiç dəqiq yerinə yetirib – 1:0. Bu, xorvatiyalı yarımmüdafiəçinin “qırmızı-qaralar”ın heyətindəki 30-cu matçında 10-cu qolu olub. Premyer Liqada 7-ci dəfə fərqlənən Filip bombardirlər yarışının lideri olan komanda yoldaşı Baqali Daboya çatıb. Hesab açılandan sonra qonaqlar xeyli fəallaşaraq oyunu bərabərləşdirib. Lakin qarşılıqlı hücumlar qapılar önündə real qol vəziyyətinin yaranmasına çıxarmayıb. Düzdür, dubla imza atmağa yaxın olan Ozobiçin uzaq zərbəsi yaddaqalan olub. Amma zərbə istənilən kimi alınmayıb.
İkinci hissədə də matçın ssenarisi dəyişməyib. “Qırmızı-qaralar” fərqi artırmaq üçün hücumlar təşkil edib. Qonaqlar isə məğlubiyyətdən xilas olmaq üçün mübarizə aparıblar. Gəncə təmsilçisinin həmlələri o qədər kəsərli alınmasa da, “Kəpəz” istəyinə çata bilib. Görüşün 78-ci dəqiqəsində hakim komandamızın qapısına penalti təyin edib. Zərbəni dəqiq yerinə yetirən Tural Axundov qonaq azarkeşləri sevindirib – 1:1. Hesabda tarazlıq yaranandan sonra “Qəbələ” hücumlarının sayını daha da artırıb. Xal itirməmək üçün böyük qüvvə ilə irəli atılan komandamız final fitinə 7 dəqiqə qalmış istəyinə çatıb. Cərimə meydanında kobudluq edən Renan Silvanın meydandan qovulması ilə təyin olunan penalti matçda həlledici olub. Ruslanın dəqiq zərbəsi komandamıza 2:1 hesablı qələbə qazandırıb. Qurbanov “qırmızı-qara” formada Premyer Liqada 4-cü, ümumilikdə 7-ci dəfə fərqlənib.
Beləliklə, ilin son çempionat oyununda “Kəpəz”lə qarşılaşan komandamız mövsümün ilk yarısını qələbə ilə başa vurub. Bu, komandamızın çempionat matçlarında ardıcıl 6-cı ev qələbəsi olub.
“Qəbələ”
22. Dmitri Bezotosnı
3. Voislav Stankoviç
4. Elvin Camalov
(21. Roman Hüseynov, 20)
6. Rəşad Sadiqov (k)
7. Nika Kvekveskiri
9. Sergey Zenyov
10. Ruslan Qurbanov
11. Asif Məmmədov
15. Vitali Vernidub
(44. Rafael Santos, 46)
17. Məhəmməd Mirzəbəyov
19. Filip Ozobiç
(27. Teo Uiks, 56)
Ehtiyat oyunçular:
33. David Pietrzkeviç
14. Cavid Hüseynov
32. Rəşad Eyubov
90 Ramil Hasanov
Baş məşqçi: Roman Qriqorçuk
“Kəpəz”
88. Tadas Simaitis
18. Tural Axundov (k)
36. Renan Silva
15. Azad Kərimov
13. Şəhriyar Rəhimov
5. Kərim Diniyev
(6. Ceyhun Cavadov, 46)
7. Vüqar Bəybalayev
(23. Tural Nərimanov, 85)
17. Nicat Qurbanov
(10. Dario Federiko, 60)
19. Orxan Əliyev
77. Serjio Kosta
90. Julien Ebah
Ehtiyat oyunçular:
1. Eyyub Əliyev
21. Novruz Məmmədov
9. Tural Qürbətov
75. Yusif Cəfərov
Baş məşqçi: Şahin Diniyev
