“Zirə” – “Qəbələ” – 0:3
07 may 2016. Saat 15:00. Zirə İdman Kompleksinin stadionu, 1300 tamaşaçı
Baş hakim: Rauf Cabbarov
Baş hakimin köməkçiləri: Rza Məmmədov, Nahid Əliyev
Dördüncü hakim: Ziya Nəsirov
AFFA nümayəndəsi: Namiq Məstanov
Hakim-inspektor: Murad Məmmədov
Sarı vərəqələr: Nelson Bonilla, 72 (qeyri-idman hərəkəti); Viktor İqbekoyi, 83 (qeyri-idman hərəkəti) // Vitali Vernidub, 16 (rəqibə badalaq vurduğuna görə); Ermin Zets, 38 (qeyri-idman hərəkəti); Rafael Santos, 53 (rəqibi tutduğuna görə); Aleksey Qay, 66 (qeyri-idman hərəkəti); Rəşad Sadiqov, 72 (qeyri-idman hərəkəti); Rikardinyo, 88 (qeyri-idman hərəkəti)
Qollar: Rafael Santos, 26; Ermin Zets, 47, 79
Artırılan vaxt: I hissədə - yoxdur.; II hissədə 3 dəq.
Topaz Premyer Liqasında XXXIII tura start verilib. “Qəbələ” səfərdə “Zirə” ilə qarşılaşıb. Bu, komandaların cari mövsümdə 6-cı görüşü olub. Kubokda rəqibini mübarizədən kənarlaşdıran “qırmızı-qaralar” çempionatda məğlub edə bilmədiyi paytaxt təmsilçisi ilə matça seriyaya son qoymaq üçün çıxıb. Baş məşqçi Roman Qriqorçuk 3 gün öncə “Neftçi”yə qarşı keçirilən kubok matçı ilə müqayisədə start heyətində 4 dəyişiklik edib. Cəzası başa çatan Rəşad Sadiqov, həmçinin Ermin Zets, Arif Daşdəmirov, Rafael Santos bu dəfə ilk “11-lik”də yer alıb. Vojislav Stankoviç, Ürfan Abbasov, Aleksey Antonov və Samir Zərgərov isə start heyətindən kənarda qalıb. Bu, matç 2015-ci ildən “Qəbələ”nin baş məşqçisi olan Qriqorçukun postunda 70-ci oyunu olub. Qapıçı Dmitri Bezotosnı isə Premyer Liqada 40-cı qarşılaşmasına çıxıb.
Hesab qarşılıqlı hücumlarla başlayan ilk yarının ortalarında açılıb. Rafael Santos meydan sahiblərinin qapısına yol tapıb. O, “Qəbələ”də 2-ci qolunu vurub. 84-cü matçına çıxan braziliyalı müdafiəçi ilk qolunu da cari mövsüm Premyer Liqada rəqib qapısından keçirmişdi.
İkinci hissəyə də fəal başlayan komandamız fərqi artırmağı bacarıb. Ermin Zets matçda ikinci qolun müəllifi olub. Bu qolla matçın taleyini böyük ölçüdə həll edən “qırmızı-qaralar” matçın sonunadək daha bir dəfə fərqlənib. Görüşün 79-cu dəqiqəsində də Zets qol sevinci yaşayıb – 3:0. Bununla da bosniya və herseqovinalı hücumçu “Qəbələ”dəki qol sayını 10-a çatdırıb. Premyer Liqada 7-ci dəfə fərqlənən legioner həm də ilk dublunu rəsmiləşdirib.
Beləliklə, “qırmızı-qaralar” Topaz Premyer Liqasının cari mövsümündə 3-cü böyükhesablı qələbəsini qazanıb. Ötən il sentyabrın 25-də səfərdə “Rəvan”ı 3, oktyabrın 4-də “Xəzər Lənkəran”ı evdə 6 cavabsız qolla məğlub edən “Qəbələ” Zirə səfərində də 3:0-a sevinib.
“Zirə”
1. Anar Nəzirov
9. Nelson Bonilla
10. İqor İvanoviç
(19. Nurlan Novruzov, 71)
11. Viktor İqbekoyi
13. Aleksandr Şemonayev
14. Tellur Mütəllimov
27. Rəşad Abdullayev
(90. Vüsal İsgəndərli, 46)
32. Luiz Alberto Diez
(6. Vüqar Mustafayev, 46)
37. Yovan Krneta
39. Sadiq Quliyev
60. Elvin Məmmədov
Ehtiyat oyunçular:
85. Kamal Bayramov
2. Çimezi Mbah
28. Təmkin Xəlilzadə
96. Elgün Nağıyev
Baş məşqçi: Adil Şükürov
“Qəbələ”
22. Dmitri Bezotosnı
4. Elvin Camalov
6. Rəşad Sadiqov (k)
7. Ermin Zets
(69. Aleksey Antonov, 87)
11. Asif Məmmədov
(66. Samir Zərgərov, 65)
15. Vitali Vernidub
19. Aleksey Qay
20. Rikardinyo
21. Arif Daşdəmirov
32. Rəşad Eyubov
44. Rafael Santos
(3. Voislav Stankoviç, 70)
Ehtiyat oyunçular:
33. David Pietrzkeviç
5. Pavel Paşayev
25. Qismət Alıyev
34. Urfan Abbasov
Baş məşqçi: Roman Qriqorçuk
