“Qəbələ” – “Zirə” – 3:0
30 noyabr 2019. Saat 15:00. Qəbələ şəhər stadionu, 400 tamaşaçı
Baş hakim: Rəvan Həmzəzadə
Baş hakimin köməkçiləri: Cəmil Quliyev, Vüqar Bayramov
Dördüncü hakim: Nicat İsmayıllı
Hakim-inspektor: Ceyhun Haşımov
AFFA nümayəndəsi: Aslan Şahgəldiyev
Sarı vərəqələr: Amin Seydiyev, 16 (qeyri-idman hərəkəti); Fernan Lopez, 59 (hakimin qərarına etiraz); Rövlan Muradov, 64 (hakimin qərarına etiraz); Davit Volkov, 66 (hakimin qərarına etiraz); Anar Nəzirov, 82 (oyunun bərpasını ləngitdiyinə görə) // Elvin Camalov, 45+2 (qeyri-idman hərəkəti); Adrian Skarlatake, 45+4 (qeyri-idman hərəkəti); Mfo Kqasvane, 78 (qeyri-idman hərəkəti)
Qollar: Rövlan Muradov, 13; Fernan Lopez, 42; Davit Volkov, 70
Artırılan vaxt: I hissədə 4 dəq; II hissədə 4 dəq.
Azərbaycan Premyer Liqasında XIII tura start verilib. Turun ilk oyunu Qəbələ şəhər stadionunda keçirilib. Çempionatın ilk yarısında son ev oyununa çıxan “Qəbələ” “Zirə”ni qəbul edib. “Qırmızı-qaralar”ın çalışdırıcısı Elmar Baxşıyev ötən turla müqayisədə start heyətində iki dəyişikliyə ehtiyac duyub. İbrahima Niasse və Rövlan Muradov ilk dəqiqələrdən meydana çıxıblar. Onlar “11-lik”də Asif Məmmədovla Roman Hüseynovu əvəzləyiblər.
Qarşılaşmaya paytaxt təmsilçisi fəal başlasa da, “Qəbələ” daha təhlükəli hücumlar təşkil edib. Belə ki, arxa xətdə “qırmızı-qaralar”ın hücumları daha yaddaqalan olub. Artıq 12-ci dəqiqədə Rövlan Muradov cərimə meydanı daxilindən vurduğu zərbə ilə hesabı açıb. Ardınca Klesio Bauk və Davit Volkov da fərqlənmək imkanı əldə etsələr də, şansdan yararlana bilməyiblər. Fasilə ərəfəsində qapıçı Anar Nəzirovun başladığı hücum Fernan Lopezin hesabdakı fərqi artırması ilə nəticələnib. Qonaqlar isə ilk 45 dəqiqədə yalnız Tellur Mütəllimovun qüvvətli zərbəsi ilə yadda qalıblar.
İkinci hissədə də matçın ssenarisi dəyişməyib. “Zirə” məğlubiyyətdən qaçmaq üçün fəallıq göstərsə də, “Qəbələ” daha çox və təhlükəli hücumlar qurub. Ön xətdə Volkovla Bauk daha çox diqqət mərkəzinə düşüblər. Bir epizodda Davit mərkəzdən irəliləyib qapıçı ilə üz-üzə qalmaq imkanı əldə etsə də, hakim ofsayd qərarı verib. Lakin gürcüstanlı legioner növbəti qolunu vurmağı bacarıb. O, hissənin ortalarında fərqi 3 topa çatdırıb. Mövsümdə 5-ci dəfə fərqlənən Volkov çempionatın bombardirləri siyahısında zirvəyə şərik olub. Matçın sonlarına qədər bir neçə yaddaqalan hücum təşkil edən “Qəbələ” dördüncü qolu vurmaq üçün səy göstərsə də, istəyinə çatmayıb. Beləliklə, komandamız ev oyununda ardıcıl ikinci böyükhesablı qələbə qazanaraq turnir cədvəlində 7-ci pilləyə yüksəlib.
“Qəbələ”
1. Anar Nəzirov (k)
8. Qismət Alıyev
74. Yusif Nəbiyev
9. Davit Volkov
(14. Ülvi İsgəndərov, 87)
3. İviça Zuniç
10. Klesio Bauk
77. Merab Qiqauri
21. Fernan Lopez
(7. Roman Hüseynov, 72)
6. İbrahima Niasse
19. Rövlan Muradov
(20. Faiq Hacıyev, 85)
2. Amin Seydiyev
Ehtiyat oyunçular:
94. Tərlan Əhmədli
11. Asif Məmmədov
28. Murad Musayev
4. Sadiq Quliyev
13. Kristian Kuaku
22. Rüstəm Nuriyev
15. Vüsal Məsimov
Baş məşqçi: Azər Bağırov
“Zirə”
28. Boyan Zoqoviç
8. İlkin Muradov
88. Tellur Mütəllimov
7. Cavid Hüseynov (k)
(99. Rafael Məhərrəmli, 74)
4. Elvin Camalov
27. Adrian Skarlatake
18. Xulio Sezar Rodrigez
(23. Mfo Kqasvane, 46)
25. Miloş Bakraç
6. Alvaro Ampuero
43. Riçard Qadze
(17. Robin Nqalande, 82)
70. Nicat Süleymanov
Ehtiyat oyunçular:
1. Orxan Sadıqlı
62. Abdulla Seyidəhmədov
14. Bəxtiyar Həsənalızadə
5. Anastasios Papazoqlu
11. Soni Norde
77. Cəlal Hüseynov
Baş məşqçi: Zaur Həşimov
