“Qəbələ” – “Kəpəz” – 3:0
28 aprel 2018. Saat 18:00. Qəbələ şəhər stadionu, 800 tamaşaçı
Baş hakim: Əliyar Ağayev
Baş hakimin köməkçiləri: Zeynal Zeynalov, Akif Əmirəli
Dördüncü hakim: Orxan Məmmədov
AFFA nümayəndəsi: Eldəniz Musayev
Hakim-inspektor: Murad Məmmədov
Sarı vərəqələr: Qismət Alıyev, 8 (qeyri-idman hərəkəti); Urfan Abbasov, 13 (qeyri-idman hərəkəti); Famussa Kone, 71 (hakimi aldatmağa cəhd) // Quili Mandqaladze, 62 (qeyri-idman hərəkəti); Roman Hüseynov, 70 (sistematik qayda pozuntusu)
Qollar: Filip Ozobiç, 31; Stiven Monroz, 39; Cavid Hüseynov, 45+1
Artırılan vaxt: I hissədə 1 dəq.; II hissədə 3 dəq.
“Qəbələ” Topaz Premyer Liqasında növbəti oyununu keçirib. “Qırmızı-qaralar” XXV turun bu gün keçirilən görüşündə “Kəpəz”lə qarşılaşıb. Komandamız çempionatın autsayderini Qəbələ şəhər stadionunda qəbul edib. Baş məşqçi Roman Qriqorçuk start heyətində yalnız bir dəyişiklik edib. Zədəsini sağaldan Dmitri Bezotosnı qapıda Aqil Məmmədovu əbəzləyib.
Matç qarşılıqlı hücumlarla başlasa da, “Qəbələ” erkən qol vurmağa yaxın olub. Bir neçə müdafiəçidən sıyrılıb, cərimə meydanında irəliləyən Baqali Dabonun zərbəsində dəqiqlik çatmayıb. Qonaqlar buna Dario Federiko ilə cavab verib. Qapıçı ilə üz-üzə qalan braziliyalı Bezotosnı ikə dueldən məğlub ayrılıb. Stiven Monrozun sağ cinahdan qapıya paralel ötürməsi təhlükəli alınsa da, Famussa Kone topa çatmayıb. Gəncə təmsilçisi isə Quili Manjqaladzenin 18 metrdən vurduğu cərimə zərbəsi ilə qapı önündə gərginlik yaradıb. Hesab 31-ci dəqiqədə açılıb. Famussa Konenin qapı önünə ötürməsini uzaqlaşdıran müdafiəçinin göndərdiyi top Filip Ozobiçin önünə düşüb. Xorvatiyalı bu imkanı qaçırmayıb – 1:0. Bir dəqiqə sonra Monrozun qüvvətli zərbəsinin önünü müdafiəçi kəsib. Darionun növbəti təhlükəli zərbəsini isə Bezotosnı dəf edib. Az keçməmiş komandamızın daha fəal görünən sol cinahı hesabın artmasında rol oynayıb. Təmkin Xəlilzadənin ötürməsindən sonra uzaq dirəyin önündə nəzarətsiz qalan Monroz fərqi artırıb. Əks cinahdan ötürmədən sonra Dabonun baş zərbəsi isə istənilən kimi alınmayıb. Lakin Premyer Liqanın ən məhsuldar oyunçusu 3-cü qolda pay sahibi olub. Onun sol cinahdan Cavid Hüseynova ötürməsini kapitan “doqquzluğ”u nişan almaqla tamamlayıb – 3:0.
Qarşılaşmanın taleyi ilk yarıda həll olunduğundan fasilədən sonra meydanda mübarizə nisbətən sakit məcrada davam edib. Hər iki komanda topa nəzarət etməyə çalışsa da, yaddaqalan hücumlar yaratmayıb. Hissənin ikinci yarısı daha kəskin həmlələrlə diqqət çəkib. Öncə Ruslan Qurbanovun ötürməsindən sonra İlqar Qurbanov topu qapı önünə qaytarsa da, hücumu tamamlayan olmayıb. Ardınca Qismət Alıyevin uzaq zərbəsi təhlükəli, amma qeyri-dəqiq olub. Monrozun gözəl ötürmə ilə qapıçı ilə üz-üzə qoyduğu Ozobiç özünün ikinci qolunu vurmaq imkanını boşa verib. “Kəpəz” Şəhriyar Rəhimovun cərimə meydanından endirdiyi baş zərbəsi ilə qola yaxın olub. Lakin müdafiəçidə dəqiqlik çatmayıb. Matçın sonlarında uzun ötürmə ilə qapıçı ilə üz-üzə çıxarılan Ruslan qolkiperi də keçsə də, iti bucaq altından çərçivəyə düşməyib. Bir neçə dəqiqə sonra isə Asif Məmmədov yaxın məsafədən dəqiq oynamayıb.
Beləliklə, “Qəbələ” ev oyununda “Kəpəz” üzərində böyükhesablı qələbə qazanıb – 3:0.
“Qəbələ”
22. Dmitri Bezotosnı
5. Rasim Ramaldanov
8. Qismət Alıyev
9. Baqali Dabo
14. Cavid Hüseynov (k)
(29. Hacıağa Hacıyev, 86)
18. İlqar Qurbanov
19. Filip Ozobiç
(11. Asif Məmmədov, 82)
28. Stiven Monroz
33. Təmkin Xəlilzadə
34. Urfan Abbasov
45. Famussa Kone
(10. Ruslan Qurbanov, 72)
Ehtiyat oyunçular:
23. Aqil Məmmədov
35. Murad Popov
4. Elvin Camalov
6. Elvin Məmmədov
15. Vitali Vernidub
16. Omar Malone
32. Amin Seydiyev
74. Yusif Nəbiyev
Baş məşqçi: Roman Qriqorçuk
“Kəpəz”
22. Sergey Litovçenko
15. İqor Korotetski
13. Şəhriyar Rəhimov (k)
5. Tural Nərimanov
18. Tural Cəlilov
(11. Kamran Abdullazadə, 85)
16. Quili Mandqaladze
8. Samir Zərgərov
7. Roman Hüseynov
91. Dario Federiko
20. Tərzin Cahangirov
9. İlkin Sadıqov
(10. Tural Rzayev, 59)
Ehtiyat oyunçular
1. Davud Kərimi
2. Yusif Cəfərov
21. Murad Səttarlı
6. Ceyhun Cavadov
12. İlyas Səfərzadə
Baş məşqçi: Yunis Hüseynov
