“Qəbələ” – “Xəzər Lənkəran” – 3:1
19 fevral 2015. Saat 17:00. Qəbələ şəhər stadionu, 1000 tamaşaçı
Baş hakim: Rəhim Həsənov
Baş hakimin köməkçiləri: Munis Abdullayev, İsgəndər Əliyev
Dördüncü hakim: Ömər Paşayev
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Sarı vərəqələr: Ruslan Abışov, 49 (qeyri-idman hərəkəti) // Rasim Ramaldanov, 47 (qeyri-idman hərəkəti)
Qollar: Ekiqo Ehiosun, 48; Ruslan Abışov, 78; Urfan Abbasov, 90+3 // Sadio Tounkara, 33
Artırılan vaxt: I hissədə 1 dəq.; II hissədə 3 dəq.
Bu gün Topaz Premyer Liqasında XXIII turun oyunları keçirilib. Azərbaycan milli komandalarının təlim-məşq toplanışları ilə əlaqədar yaranan qısa fasilə öncəsi son matçına çıxan “Qəbələ” “Xəzər Lənkəran”la qarşılaşıb. Roman Qriqorçukun yetirmələri ev oyununa son matçlarla müqayisədə fərqli heyətlə başlayıb. Cəzası başa çatan Dmitri Bezotosnı, həmçinin Ürfan Abbasov “11-liy”ə qayıdıb. Onlar Anar Nəzirovla Mixail Sivakovu əvəzləyib.
Oyun qarşılıqlı hücumlarla başlayıb. Artıq 2-ci dəqiqədə “qırmızı-qaralar” qola yaxın olub. Lakin Cavid Hüseynovun ötürməsindən sonra Viktor Mendinin buraxdığı topa zərbə endirən Ekiqo Ehiosun “çərçivə”yə düşməyib. Lakin müdafiəyə çəkilmək istəməyən qonaqlar da bir neçə təhlükə yarada bilib. Bu epizodlarda Dmitri Bezotosnı inamlı çıxış edib. Ardınca üstünlüyə yiyələnən komandamız rəqibi meydanın özünə aid hissəsinə çəkilməyə vadar edə bilib. 14-cü dəqiqədə Mendinin ötürməsini Ekiqo başla tamamlasa da, qapıçı zərbəni dəf edib. Ümumiyyətlə ilk yarıda lənkəranlıların qapıçısı Tomiç bir neçə dəfə komandasını real qoldan xilas edib. O, əvvəl Dodo, sonra Ekiqonun fərqlənməsinə imkan verməyib. “Qəbələ” hesabı açmaq üçün irəli atılsa da, ilk qol cənublulardan gəlib. Müdafiədəki boşluqdan yararlanan Sadio təkbətək çıxdığı qapıçını da keçərək hesabı açıb – 0:1. Qoldan sonra azarkeşlər qarşılıqlı hücumlara şahid olublar. Lakin komandalardan heç biri fərqlənməyi bacarmayıb.
İkinci hissə “qırmızı-qaralar”ın ərazi üstünlüyünə yiyələnməsi ilə başlayıb. 48-ci dəqiqədə “Qəbələ” hesabda tarazlıq yarada bilib. Cavidin ötürməsini Ekiqo dəqiq zərbə ilə tamamlayıb - 1-1. Bundan sonra da hücumlarına ara verməyən futbolçularımız bir neçə dəfə Tomiçin qapısı önündə gərginlik yaratsa da, xorvatiyalı hər dəfə inamlı oynayıb. Hissənin gedişində üstünlüyü rəqibə verən “qırmızı-qaralar” əks-hücumlardan yararlanmağa çalışıb. Belə vəziyyətlərdə cənublular tez-tez qayda pozuntularına yol verib. Matçın sonlarına 15 dəqiqə qalmış Mendinin yaxın məsafədən zərbəsini də qapıçı dəf edə bilib. Az sonra isə komandamız istəyinə çatıb. Cavidin cərimə zərbəsindən ötürdüyü topu Ruslan Abışov uzaqdan dəqiq zərbə ilə tamamlayıb – 2:1. Matçın sonluğu Rəşad Sadiqovun zədələnməsi ilə diqqət çəkib. Sonradan meydana daxil olan yarımmüdafiəçi xəsarət alaraq, meydanı tərk edib. Onu əvəzləyən Ruslan Fomin isə sonuncu qolun assistenti olub. Ukraynalının ötürməsini Ürfan Abbasov qapıya ünvanlayıb – 3:1.
Beləliklə, son 3 turda xal qazana bilməyən “Qəbələ” uğursuz seriyaya əzmkar qələbə ilə son qoyub.
“Qəbələ”
22. Dmitri Bezotosnı
4. Elvin Camalov
9. Viktor Mendi
(32. Mixail Sivakov, 88)
10. Dodo
(6. Rəşad Sadiqov, 82)
(18. Ruslan Fomin, 84)
14. Cavid Hüseynov
15. Ruslan Abışov (k)
19. Aleksey Qay
27. Bəxtiyar Soltanov
34. Ürfan Abbasov
44. Rafael Santos
90. Ekiqo Ehiosun
Ehtiyat oyunçular:
30. Anar Nəzirov
5. Sadiq Quliyev
12. Aleksandru Benqa
16. Ruslan Tağızadə
Baş məşqçi: Roman Qriqorçuk
“Xəzər Lənkəran”
19. Vyekoslav Tomiç
3. Rasim Ramaldanov
(6. İlqar Ələkbərov, 66)
7. Sadio Tounkara
10. Ağabala Ramazanov
(8. Elşən Rzazadə, 57)
12. İlyas Səfərzadə
14. Rahid Əmirquliyev (k)
17. Kazım Kazımlı
(42. Kamran Abdullazadə, 81)
34. Elnur İsmayılov
63. Alfred Sankoh
72. Elvin Mirzəyev
97. Elnur Cəfərov
Ehtiyat oyunçular:
25. Tərlan Qasımzadə
9. Bəhruz Teymurov
96. Anar Babazadə
99. Mahsun Qəmbərli
Baş məşqçi: Elbrus Məmmədov
