“Neftçi” - “Qəbələ” – 1:2
05 mart 2016. Saat 15:00. “Bakcell Arena”, 1000 tamaşaçı
Baş hakim: Ömər Paşayev
Baş hakimin köməkçiləri: Vaqif Musayev, Akif Əmirəli
Dördüncü hakim: Rəhim Həsənov
AFFA nümayəndəsi: Elbrus Abbasov
Hakim-inspektor: Rövşən Əhmədov
Sarı vərəqələr: Aqil Məmmədov, 52 (hakim qərarına etiraz); Ruslan Qurbanov, 80 (hakim qərarına etiraz) // Rafael Santos, 70 (qeyri-idman hərəkəti); Aleksey Qay, 75 (qeyri-idman hərəkəti)
Qırmızı vərəqə: Jairo Rodriges Filyo, 80 (ciddi qayda pozuntusu)
Qollar: Salas Quinta Antonio, 26 // Rafael Santos, 50; Rəşad Eyyubov, 90
Artırılan vaxt: I hissədə 1 dəq.; II hissədə 4 dəq.
Bu gün Topaz Premyer Liqasında XXIV tura start verilib. “Qəbələ” səfərdə “Neftçi” ilə qarşılaşıb. Bakıdakı son 4 qarşılaşmada rəqibinə uduzmayan “qırmızı-qaralar” 2015-ci ildə 2 dəfə qalib gəldiyi paytaxt təmsilçisi ilə duelə 3 xal iddiası ilə çıxıb. Baş məşqçi Roman Qriqorçuk komandanın start heyətində son matçla müqayisədə yalnız bir dəyişiklik edib. “Zirə” ilə kubok görüşdə ilk “11-lik”də yer alan Ermin Zetsin yoxluğunda zədədən dönən Aleksey Antonov hücumun sivri ucunda qərarlaşıb.
Komandalar matça kəşfiyyatsız başlayıb. İlk dəqiqələrdə meydan sahibləri daha fəal olub. 5 dəqiqə ərzində Dmitri Bezotosnı 4 dəfə oyuna daxil olub, rəqib zərbəsini zərərsizləşdirib. Ardınca oyunda tarazlıq yaradan “Qəbələ” bakılıların qapısı önündə ardıcıl təhlükələr yaradıb. Əvvəl Rəşad Sadiqov Dodonu, az keçməmiş sonuncu Sergey Zenyovu qapıçı ilə üz-üzə qoysa da, hər iki epizodda rəqib qolkiper daha sayıq davranaraq topa yiyələnib. Braziliyalı növbəti həmləni zərbə ilə tamamlasa da, çərçivəyə düşməyib. Matçın 26-cı dəqiqəsində sürətli əks-hücum təşkil edən “Neftçi” hesabı açıb. Anyete Dmitri Bezotosnının quru seriyasını qırıb – 1:0. Bərabərlik qolu üçün irəli atılan “Qəbələ”nin cavabı özünü gözlətməyib. Lakin Qayın cərimə meydanının xətti üzərindən endirdiyi zərbə çərçivəyə düşməyib. Üstünlüyə yiyələnən “qırmızı-qaralar” rəqibin daha bir əks-hücumunu gözdən qaçırsa da, Rəhman Hacıyevin zərbəsi dəqiq olmayıb. Komandamız künc zərbəsindən bərabərlik qolunu vurmağa yaxın olduğu vaxt uzaq dirəyin önündə qərarlaşan iki futbolçumuzdan heç biri dəqiq oynamayıb. İlk yarıya əlavə olunan dəqiqədə isə Antonovun cərimə zərbəsi ilə qapı önünə ünvanlandığı topu qapayan tapılmayıb.
Fasilədə Antonovu Asif Məmmədovla əvəzləyən Qriqorçuk Zenyova ön xəttə keçirməklə oyunda dönüş yaratmağa nail olub. Belə ki, ikinci hissənin əvvəlində “Qəbələ” bərabərlik qoluna imza atıb. Ruslan Abışovun cərimə zərbəsindən sonra rəqib qapıçı əvvəl Rafael Santosun başla, ardınca Dodonun ayaqla endirdiyi zərbələri qaytarıb. Mərkəz müdafiəçimiz növbəti cəhddən hesabda tarazlıq yaradıb – 1:1. Bu, braziliyalının “Qəbələ”də ilk qolu olub. O, 76-cı matçında qol hesabını açıb. Hesabın bərabərləşməsindən sonra da üstünlüyünü davam etdirən “qırmızı-qaralar” Qayın baş zərbəsində də qola yaxın olub. Lakin Elvin Camalovun cinah asmasını tamamlayan ukraynalı çərçivəni dəqiq nişan almayıb. İkinci hissənin ortalarından meydanda bir müddət bərabər mübarizə gedib. 72-ci dəqiqədə Qayın cinah ötürməsindən sonra Zenyov qapını nişan ala bilməyib. Bundan sonra baş məşqçi estoniyalını da Rəşad Eyyubovla əvəzləməyi lazım bilib. Matçın 80-ci dəqiqəsində Camalova qarşı kobudluq edən Jairo Rodrigesin meydandan kənarlaşdırılmasından sonra “Qəbələ” say üstünlüyü qazanıb. Rəqib qapısına təzyiqi artıran “qırmızı-qaralar” istəyinə çatıb. Əvvəl Asif Məmmədovun 20 metrdən zərbəsini qapıçı dəf edib. Meydana sonradan daxil olan Rikardinyonun sol cinahdan ötürməsi isə qolla nəticələnib. Son dəqiqələrdəki epizodda qapıçı topu önünə qaytarıb ki, özünü yetirən Eyyubov “Qəbələ”yə əzmkar qələbə qazandırıb – 2:1. Bununla da yarımmüdafiəçi komandamızda qol hesabını açıb.
Beləliklə, “Qəbələ” “Neftçi” ilə səfər matçlarında ardıcıl 3-cü dəfə qalib gəlib.
“Neftçi”
1. Aqil Məmmədov
3. Jairo Rodriges Filyo
4. Rahil Məmmədov
6. Aylton Silva
7. Araz Abdullayev (k)
11. Ruslan Qurbanov
(8. Elşən Abdullayev, 87)
15. Erik Ramos
17. Rəhman Hacıyev
19. Fəhmin Muradbəyli
20. Salas Quinta Antonio
(5. Xuan Alberto Melli, 78)
26. Kamal Qurbanov
Ehtiyat oyunçular:
53. Maksim Vaylo
18. Elşən Rzazadə
61. Təyyar Məmmədov
95. Elvin Bədəlov
9. Nikolas Kanales
Baş məşqçi: Əsgər Abdullayev
“Qəbələ”
22. Dmitri Bezotosni
4. Elvin Camalov
6. Rəşad Sadiqov
8. Məhəmməd Mirzəbəyov
(20. Rikardinyo, 85)
9. Sergey Zenyov
(32. Rəşad Eyyubov, 77)
10. Dodo (k)
19. Aleksey Qay
21. Arif Daşdəmirov
44. Rafael Santos
69. Aleksey Antonov
(11. Asif Məmmədov, 46)
87. Ruslan Abışov
Ehtiyat oyunçular:
33. David Pietrzkeviç
3. Voislav Stankoviç
5. Pavel Paşayev
25. Qismət Alıyev
Baş məşqçi: Roman Qriqorçuk
