AZAL – “Qəbələ” 1:2
(Tərlan Xəlilov, 20 // Sahil Mirzəyev, 45+1; Ehtiram Şahverdiyev, 63)
Bu gün əvəzedicilərin çempionatında XXVII tura start verilib. Yarışın lideri “Qəbələ” AZAL-la qarşılaşıb. Səfərdə oynayan “qırmızı-qaralar” meydana qələbə əzmi ilə çıxsa da, hesabı meydan sahibləri açıb. Oyunun 20-ci dəqiqəsində qol buraxan Ramin Quliyevin yetirmələri böyük qüvvə ilə irəli atılıb və fasilə öncəsi hesabda tarazlıq yaradıb. Komandamızın bərabərlik qolunu Sahil Mirzəyev vurub. İkinci yarıda daha böyük qüvvə ilə hücumlar təşkil edən “Qəbələ” istəyinə çatıb. Çempionatın ən yaxşı bombardiri olan Ehtiram Şahverdiyev komandamıza 3 xal qazandıran qola imza atıb. Bu, onun mövsümdə 18-ci qolu olub.
Beləliklə, 2:1 hesabı ilə qalib gələn əvəzedicilər məğlubiyyətsiz oyunlar seriyasını 10-a çatdırıb və 57 xala liderliyini möhkəmlədib.
| 1 | Qəbələ | 27 | 18 | 3 | 6 | 63-28 | 57 |
| 2 | Sumqayıt | 27 | 15 | 7 | 5 | 56-28 | 52 |
| 3 | Kəpəz | 27 | 13 | 8 | 6 | 40-30 | 47 |
| 4 | Neftçi | 27 | 12 | 6 | 9 | 54-36 | 42 |
| 5 | Qarabağ | 26 | 11 | 8 | 7 | 37-23 | 41 |
| 6 | Zirə | 27 | 10 | 5 | 12 | 33-47 | 35 |
| 7 | İnter | 27 | 9 | 3 | 15 | 36-45 | 30 |
| 8 | Rəvan | 26 | 9 | 2 | 15 | 40-54 | 27 |
| 9 | AZAL | 27 | 7 | 4 | 16 | 31-56 | 25 |
| 10 | Xəzər Lənkəran | 27 | 6 | 2 | 19 | 30-73 | 20 |
