“Qəbələ” – AZAL – 2:1
Azərbaycan Kuboku, 1/4 final mərhələsi, ilk oyun
13 dekabr 2016. Saat 15:00. Qəbələ şəhər stadionu, 500 tamaşaçı
Baş hakim: Fariz Yusifov
Baş hakimin köməkçiləri: Vaqif Musayev, Azər Əsgərov
Dördüncü hakim: Rəvan Həmzəzadə
AFFA nümayəndəsi: Vaqif Davudov
Hakim-inspektor: Asim Xudiyev
Sarı vərəqələr: Ruslan Qurbanov, 90+1 (qeyri-idman hərəkəti) // Ruslan Əmircanov, 79 (qeyri-idman hərəkəti)
Qollar: Filip Ozobiç, 61; Ruslan Qurbanov, 74 // Mirzağa Hüseynpur, 37
Artırılan vaxt: I hissədə 1 dəq.; II hissədə 3 dəq.
Bu gün Azərbaycan kubokunda 1/4 final mərhələsinə start verilib. “Qəbələ” mərhələnin ilk oyununda AZAL-ı qəbul edib. Bu, komandaların ölkə kubokunda 5-ci matçı olub. Əvvəlki oyunların 2-də qalib gəlib, 1-də heç-heçə edən “qırmızı-qaralar” yalnız 1 dəfə uduzub. Bu dəfə də meydana qələbə əzmi ilə çıxan komandamız 1/8 finalın “Zaqatala” ilə görüşündəki heyətdə ciddi dəyişikliklər edib. David Pietrzkeviç, Nika Kvekveskiri, Cavid Hüseynov, Teo Uiks, Petar Franyiç, Rəşad Eyubov, Tellur Mütəllimov bu dəfə start heyətində yer almayıb. Əvəzində Roman Qriqorçuk ilk dəqiqələrdən Dmitri Bezotosnı, Elvin Camalov, Rəşad Sadiqov, Sergey Zenyov, Asif Məmmədov, Vitali Vernidub və Filip Ozobiçə etimad göstərib. Qarşılaşma komandamızın hücumları ilə başlayıb. “Qırmızı-qaralar” təşəbbüsə yiyələnib, üstün futbol nümayiş etdirib. Lakin müdafiədə etibarlı olan qonaqların qapısı önündəki səddi yarmaqda çətinlik çəkib. Əsasən əks-hücumlara ümid edən paytaxt təmsilçisi ilk hissə ərzində bir neçə dəfə Dmitri Bezotosnının qapısı önündə gərginlik yaradıb. Bunların birində qonaqlar hesabı açıb. Mirzağa Hüseynpur ilk yarının yeganə qolunun müəllifi olub. Məğlub duruma düşən “Qəbələ” rəqib qapısına təzyiqi artırsa da, fasiləyədək oyunda dönüş yarada bilməyib.
Komandamız istəyinə ikinci hissədə çatıb. Daha çox hücum edən “qırmızı-qaralar” 61-ci dəqiqədə hesabda tarazlıq yaradıb. Xorvatiyalı legioner Filip Ozobiç “Qəbələ”də növbəti qolunu vurub – 1:1. Bu qoldan sonra rəqib qapısına təzyiqi daha da artıran futbolçularımız az keçməmiş hesabı da xeyrinə dəyişib. AZAL-ın qapısından ikinci topu Ruslan Qurbanov keçirib. Qarşılaşmanın sonlarında komandamızın fərqi artırmaq imkanları olsa da, hesab dəyişməz qalıb. Beləliklə, “Qəbələ” 1/4 final mərhələsinin ilk oyununda 2:1 hesabı ilə qalib gəlib. Komandalar arasında cavab oyunu dekabrın 21-də “AZAL Arena”da keçiriləcək.
“Qəbələ”
22. Dmitri Bezotosnı
3. Vojislav Stankoviç
4. Elvin Camalov
6. Rəşad Sadiqov (k)
(14. Cavid Hüseynov, 85)
9. Sergey Zenyov
10. Ruslan Qurbanov
11. Asif Məmmədov
(32. Rəşad Eyubov, 62)
15. Vitali Vernidub
19. Filip Ozobiç
34. Ürfan Abbasov
44. Rafael Santos
(7. Nika Kvekveskiri, 46)
Ehtiyat oyunçular:
33. David Pietrzkeviç
17. Məhəmməd Mirzəbəyov
21. Roman Hüseynov
90. Ramil Hasanov
Baş məşqçi: Roman Qriqorçuk
AZAL
23. Aqil Məmmədov (k)
3. Tural Hümbətov
5. Kamil Hüseynov
14. İlqar Ələkbərov
7. Kamal Mirzəyev
(19. Elnur Süleymanov, 80)
18. Ruslan Əmircanov
27. Eltun Hüseynov
17. Rəşad Abdullayev
21. David Canelidze
(9. Röyal Nəcəfov, 70)
77. Adan Koronado
88. Mirzağa Hüseynpur
(4. Qvanzav Maqomedov, 88)
Ehtiyat oyunçular:
90. Hossein Kamelqolamitussi
2. Elşad Manafov
16. Aşkan Feyzi
36. Renat Aşurov
Baş məşqçi: Tərlan Əhmədov
