“Sumqayıt” - “Qəbələ” – 2:3
23 aprel 2023. Saat 18:00. “Kapital Bank Arena”, 1326 tamaşaçı
Baş hakim: Rauf Cabarov
Baş hakimin köməkçiləri: Zeynal Zeynalov, Eyyub İbrahimov
Dördüncü hakim: Səbuhi Bayramov
VAR: Elçin Məsiyev
AVAR: Pərvin Talıbov
Hakim-inspektor: Ramil Diniyev
AFFA nümayəndəsi: Elçin Məmmədov
Sarı vərəqələr: Vüsal İsgəndərli, 23 (qeyri-idman hərəkəti); Todor Todoroski, 52 (qeyri-idman hərəkəti); İlnur Valiev, 87 (oyunun bərpasının ləngidilməsi) // Rafael Utziq, 27 (hakimin qərarına etiraz); Urfan Abbasov, 52 (qeyri-idman hərəkəti); İsnik Alimi, 60 (qeyri-idman hərəkəti); Feras Abu Akal, 73 (qeyri-idman hərəkəti); Andrey Strijak, 90+4 (qeyri-idman hərəkəti); Felipe Santos, 90+5 (qeyri-idman hərəkəti)
Qollar: Vüsal İsgəndərli, 58; Kərim Abubakar, 63 // Omar Hani, 74; Emil Səfərov, 78; Ramon Maçado, 90+4
Artırılan vaxt: I hissədə 1 dəq; II hissədə 5 dəq.
Bu gün Misli Premyer Liqasında XXXI tura yekun vurulub. Son oyun günündə bir matç baş tutub. Yeganə qarşılaşma Sumqayıtda keçirilib.
Eyniadlı komandanın qonağı olan “Qəbələ” “Kapital Bank Arena”ya çıxıb. Görüş qarşılıqlı hücumlarla başlayıb. Matçın əvvəlində Rafael Utziq ardıcıl iki epizodda cərimə meydanına yaxınlaşaraq təhlükə yaradıb. Braziliyalı legioner kimi Ülvi İsgəndərov də ilk 45 dəqiqədə fəallığı ilə seçilib. Ən yaddaqalan isə Feras Abu Akalın zərbəsi olub. Lakin top tirin üstündən keçib. Meydan sahiblərinin hücumları da təhlükəli alınsa da, ilk yarı real qol vəziyyəti ilə diqqət çəkməyib.
Fasilədən sonra da azarkeşlər qarşılıqlı hücumlara şahid olub. Ramon Maçadonun zərbəsi hədəfə düşməyib. “Sumqayıt” isə qısa müddətdə iki qol vurmağı bacarıb. Buraxılan qollardan sonra “qırmızı-qaralar” daha böyük qüvvə ilə irəli atılıb. Baş məşqçi Elmar Baxşıyev əvəzetmələrlə oyunun axarını dəyişməyə çalışıb. Görüşə sonradan daxil olan Omar Hanı müdafiəçilərdən sıyrılaraq cərimə meydanı daxilindən qarşısıalınmaz zərbə endirib. Bu qoldan sonra hücumlara ara verməyən “Qəbələ”də Ramin Maçado və Rövlan Muradovun ardıcıl zərbələri yaddaqalan olub. Hər iki halda topu qapıçı dəf edib. Künc zərbəsindən sonra meydana sonradan daxil olan Emil Səfərov isə hədəfi dəqiq nişan alıb – 2:2. “Qırmızı-qaralar”ın qələbə qolunu vurmaq imkanları da olub. Ramonun yaxın məsafədən zərbəsindən sonra top çərçivədən yan keçib. Lakin braziliyalı hücumçu istəyinə çatmağı bacarıb. O, meydan sahiblərinin də qol imkanı əldə etdiyi uzatma dəqiqələrində toru silkələyib – 3:2. Beləliklə, səfər görüşündə geridönüş edən “Qəbələ” ardıcıl ikinci oyunda iki top fərqini aradan qaldırmaqla qalib gəlib. Beş gün öncə “Səbail”lə kubok matçı da “qırmızı-qaralar”ın belə kambeki ilə əlamətdar olub.
“Sumqayıt”
25. İlnur Valiev
6. Vüqar Mustafayev (k)
14. Elvin Bədəlov
10. Vüsal İsgəndərli
17. Murad Xaçayev
18. Süleyman Əhmədov
5. Stiven Pereyra
9. Karim Abubakar
(11. Rüfət Abdullazadə, 66)
23. Kamran Aliev
12. Todor Todoroski
(8. Səbuhi Abdullazadə, 57)
71. Masaki Murata
(7. Terrens Tisdel, 75)
Ehtiyat oyunçular:
13. Aydın Bayramov
56. Ayxan Qocayev
24. Elşən Abdullayev
20. Ayxan Süleymanlı
37. Alya Ture
Baş məşqçi: Samir Abasov
“Qəbələ”
13. Kristof Atanqana
2. İlkin Qırtımov
(28. Murad Musayev, 77)
34. Urfan Abbasov (k)
(11. Asif Məmmədov, 77)
27. Məqsəd İsayev
(10. Omar Hani, 69)
14. Ülvi İsgəndərov
(77. Emil Səfərov, 58)
91. Ramon Maçado
4. Ruan Renato
5. İsnik Alimi
23. Rafael Utziq
(7. Rövlan Muradov, 69)
97. Felipe Santos
6. Feras Abu Akal
Ehtiyat oyunçular:
36. Elməddin Sultanov
33. Hüseyn Mürsəlov
17. Yaovi Akakpo
8. Andrey Strijak
Baş məşqçi: Elmar Baxşıyev
