«Qəbələ»dən hansı futbolçular yığma komandalara dəvət aldı?
Xəbərlər / 6 Noyabr 2013 | 07:49224
"Qırmızı-qaralar"ın 3 futbolçusu yığma komandalara dəvət alıb. Azərbaycan milli komandası 2, U-21 yığması isə 1 futbolçumuza dəvət göndərib.
Müdafiəçilərimiz Volodimir Levin və Elnur Allahverdiyev noyabrın 15-də Tallinn şəhərində Estoniya, noyabrın 19-da isə Bişkek şəhərində Qırğızıstan yığması ilə yoldaşlıq oyunu keçirəcək milli komandamızın heyətində forma geymək şansı qazanıb. Azərbaycan yığması noyabrın 11-dən etibarən təlim-məşq toplanışında olacaq (11-13 noyabr - Bakı, 14-16 noyabr - Tallinn, 17-19 noyabr - Bişkek).
Ürfan Abbasov isə Avropa çempionatının seçmə mərhələsi çərçivəsində noyabrın 15-də Skopye şəhərində Makedoniya komandası ilə qarşılaşacaq Azərbaycan U-21 yığmasının heyətinə dəvət alıb. U-21 komandası hazırlıq məqsədilə Makedoniyaya noyabrın 21-də yola düşəcək.
Xatırladak ki, Premyer Liqanın XIII turunun ardından milli komandaların yoldaşlıq oyunları ilə əlaqədar çempionata 11 günlük fasilə veriləcək.
OXŞAR XƏBƏRLƏR
