“Qəbələ” – “Sumqayıt” – 1:0
20 avqust 2017. Saat 20:00. Qəbələ şəhər stadionu, 2500 tamaşaçı
Baş hakim: Əliyar Ağayev
Baş hakimin köməkçiləri: Rza Məmmədov, Akif Əmirəli
Dördüncü hakim: Ömər Paşayev
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Sarı vərəqələr: Elvin Məmmədov, 57 (qeyri-idman hərəkəti) // Azər Salahlı, 2 (qeyri-idman hərəkəti); Ehtiram Şahverdiyev, 77 (hakim qərarına etiraz)
Qol: Tellur Mütəllimov, 40
Artırılan vaxt: I hissədə - 1 dəq.; II hissədə -3 dəq.
Bu gün Topaz Premyer Liqasında II tura yekun vurulub. Turun son qarşılaşması Qəbələdə baş tutub. İlk turda “İnter” üzərində səfər qələbəsi qazanan “Qəbələ” öz meydanında “Sumqayıt”ı qəbul edib. “Qırmızı-qaralar” ötən matçla müqayisədə görüşə üç dəyişikliklə başlayıb. Belə ki, baş məşqçi Roman Qriqorçuk ilk ev oyununun start heyətində Baqali Dabo, Ruslan Qurbanov və Ürfan Abbasova şans verib. Əvəzində Asif Məmmədov, Cavid Hüseynov və Deyv Bultuis “11-lik”dən kənar qalıb.
Mövsümə qələbə ilə başlayan rəqiblərin matçı meydan sahiblərinin hücumları ilə başlayıb. Üstünlüyü ələ alan “Qəbələ” rəqib qapısına ardıcıl həmlələr təşkil edib. İlk dəqiqələrdə Stiven Jozef-Monrozun zərbəsi yaddaqalan olub. Amma matçın startı xoşagəlməz hadisə ilə diqqət çəkib. Zədələnən İlqar Qurbanov matçı davam etdirə bilmədiyi üçün əvəzlənib. Amma müdafiəyə çəkilmək istəməyən qonaqların ardıcıl 2 qüvvətli zərbəsi təhlükəli alınıb. Hər iki epizodda Dmitri Bezotosnı zərbəni dəf edib. Qolkiper az sonra rəqiblə üz-üzə dueldən də qalib ayrılıb. Qarşılıqlı hücumlarla keçən dəqiqələrdə “qırmızı-qaralar” cüzi ərazi üstünlüyünə malik olsa da, real qol vəziyyəti yaratmaqda çətinlik çəkib. Futbolçularımız ya çərçivəni dəqiq nişan almayıb, ya da zərbələr güclü olmayıb. Daha fəal olan sol cinahdan bir neçə ötürməni da qapayan tapılmayıb. 40-cl dəqiqədə məhz bu cinahdan Ürfanın hava ötürməsi qolla nəticələnib. Uzaq dirəyin önündə rəqibini üstələyən Tellur Mütəllimov hesabı açıb – 1:0.
İkinci hissə də qarşılıqlı hücumlarla başlayıb. Lakin komandalar qapılar önündə real qol vəziyyəti yaratmaqda çətinlik çəkib. 60-cı dəqiqədə sağdan sürətli irəliləyib, cərimə meydanına daxil olan Tellurun zərbəsindən sonra top uzaq dirəyin yanından ötüb. Bir neçə dəqiqə sonra Mütəllimov qapıçının çərçivəni tərk etdiyini görərək, uzaqdan qapını nişan alıb. Lakin top dirəkdən az aralı keçib. Ümumiyyətlə də ikinci yarıda “Qəbələ” topa daha çox nəzarət edib. Amma nə komandamız, nə də qonaqlar qapı istiqamətində dəqiq zərbə endirib. Hər iki komanda çərçivəyə düşməkdə çətinliklə üzləşib. Matçın gedişində oyuna daxil olan Asif Məmmədov “Qəbələ”də 50-ci çempionat görüşünü keçirib.
Beləliklə, “Qəbələ” 1:0 hesabı ilə qalib gələrək, mövsümdə ikinci qələbəsini qazanıb. Həlledici qolun müəllifi olan Tellur isə “qırmızı-qara” formada 5-ci dəfə fərqlənib.
“Qəbələ”
22. Dmitri Bezotosnı
3. Voislav Stankoviç
6. Elvin Məmmədov
(4. Elvin Camalov, 88)
8. Qismət Alıyev
9. Baqali Dabo
10. Ruslan Qurbanov
(11. Asif Məmmədov, 75)
15. Vitali Vernidub
18. İlqar Qurbanov
(88. Tellur Mütəllimov, 12)
19. Filip Ozobiç
28. Stiven Jozef-Monroz
34. Ürfan Abbasov (k)
Ehtiyat oyunçular:
23. Aqil Məmmədov
35. Murad Popov
5. Rasim Ramaldanov
12. Endi Hallidey
16. Dion Omar Malone
17. Roman Hüseynov
21. Deyv Bultuis
89. Abbas Ağazadə
70. Ülvi İsgəndərov
Baş məşqçi: Roman Qriqorçuk
“Sumqayıt”
1. Fərhad Vəliyev
2. Rail Məlikov (k)
6. Kamal Mirzəyev
(17. Fərid Kərimzadə, 90)
7. Cavid Tağıyev
(11. Ehtiram Şahverdiyev, 67)
9. Amil Yunanov
10. Cavid İmamverdiyev
14. Bəxtiyar Həsənalızadə
18. Tural Axundov
19. Azər Salahlı
32. Rəşad Eyubov
97. Xəyal Nəcəfov
Ehtiyat oyunçular:
23. Mehdi Cənnətov
3. Vurğun Hüseynov
5. Vüqar Bəybalayev
13. Bəhlul Mustafazadə
39. Tural Bayramlı
Baş məşqçi: Samir Abasov
