“Qəbələ” – “Sumqayıt” – 1:1
25 avqust 2018. Saat 18:00. Qəbələ şəhər stadionu, 300 tamaşaçı
Baş hakim: Rəvan Həmzəzadə
Baş hakimin köməkçiləri: Nahid Əliyev, Cavanşir Yusifov
Dördüncü hakim: İnqilab Məmmədov
AFFA nümayəndəsi: Eldar Qasımov
Hakim-inspektor: Vüsal Əliyev
Sarı vərəqələr: Təmkin Xəlilzadə, 90+1 (oyunun bərpasını ləngitdiyinə görə) // Nicat Qurbanov, 33 (qeyri-idman hərəkəti), 77 (qeyri-idman hərəkəti); Rail Məlikov, 42 (qeyri-idman hərəkəti); Aleksey İsayev, 45+1 (qeyri-idman hərəkəti)
Qırmızı vərəqə: Nicat Qurbanov, 77
Qollar: Təmkin Xəlilzadə, 43 (p.) // Yusif Nəbiyev, 90+3
Artırılan vaxt: I hissədə 1 dəq.; II hissədə 4 dəq.
Bu gün Topaz Premyer Liqasında III tura start verilib. Turun ilk görüşü Qəbələ şəhər stadionunda keçirilib. “Qəbələ” milli komandaların oyunları ilə əlaqədar yaranan fasilə ərəfəsindəki son matçda öz meydanında “Sumqayıt”ı qəbul edib. Baş məşqçi Sənan Qurbanov ötən turun “Neftçi” ilə qarşılaşması ilə müqayisədə start heyətində 4 dəyişikliyə əl atıb. 38 yaşlı mütəxəssis bu dəfə Rasim Ramaldanov, Qismət Alıyev, Rauf Əliyev və Stiven Monroza ilk dəqiqələrdən şans verib. Əvəzində Lalavele Atakora, Elvin Camalov, Bəhlul Mustafazadə və Asif Məmmədov matçın startını ehtiyat oyunçular skamyasından izləyib.
Görüşə “Qəbələ” daha fəal başlayıb. İlk dəqiqələrdən təşəbbüsü ələ alan “qırmızı-qaralar” əsasən cinahlarla hücumlar təşkil edib. Qonaqlar isə tamamilə müdafiəyə qapanmayıb, rəqib qapısına həmlələr də təşkil edib. Hətta bir neçə epizodda Dmitri Bezotosnı ustalığını nümayiş etdirməli olub. Komandamız isə uzun müddət rəqibin müdafiə səddini yarmaqda çətinlik çəkib. Bir neçə dəfə uzaqdan zərbə ilə fərqlənməyə çalışan futbolçularımız ilk real təhlükəni 29-cu dəqiqədə yaradıb. İlqar Qurbanovun uzun ötürməsindən sonra Ceyms Adeniyi qapıçı ilə üz-üzə qalsa da, qolkiper onun ayaqları altına atılaraq iki cəhddə topa yiyələnib. Hissənin sonlarında isə uzun ötürmədən sonra qapı önündə qərarlaşan Rauf Əliyev kobudluqla dayandırılıb. Rail Məlikovun bu hərəkəti penalti kimi dəyərləndirilib. Təmkin Xəlilzadənin 11 metrlik nöqtədən zərbəsi dəqiq olub – 1:0. Hesab açıldıqdan sonra “Sumqayıt” fəallığı artırsa da, “qırmızı-qaralar”ın qapısı önündə təhlükə yarada bilməyib.
İkinci hissə qapılar önündə ardıcıl hücumlarla başlasa da, sonradan oyunun tempi nisbətən aşağı düşüb. Ardınca məğlubiyyətdən qaçmağa çalışan Sumqayıtın eyniadlı təmsilçisi üstünlüyə yiyələnib. Lakin “Qəbələ”nin hücumları da yetərincə təhlükəli alınıb. Təmkinin sağ cinahdan qapıya paralel ötürmələri zamanı çərçivə önündə topa toxunan olmayıb. Adeniyinin qısa zaman kəsiyində endirdiyi iki zərbə yaddaqalan olsa da, öncə qeyri-dəqiqlik, ardınca qapıçı qola imkan verməyib. Sənan Qurbanov oyunçu dəyişiklikləri ilə orta sahəni gücləndirib. O, yarımmüdafiəçilər Atakora və Məmmədovu meydana buraxıb. Bu dəyişikliklər və qonaqların azlıqda qalması matçın sonluğunun qarşılıqlı hücumlarda keçməsi ilə nəticələnib. Matça əlavə olunan dəqiqələrdə isə sumqayıtlılar bərabərlik qoluna imza atıb. Şəhriyar Əliyevin qapı önünə hava ötürməsini Yusif Nəbiyev başla tamamlayıb – 1:1.
Beləliklə, “Qəbələ” mövsümdə ilk heç-heçəsinə imza atıb.
“Qəbələ”
22. Dmitri Bezotosnı
3. Voislav Stankoviç
5. Rasim Ramaldanov
(11. Asif Məmmədov, 80)
8. Qismət Alıyev
10. Rauf Əliyev
17. Ceyms Adeniyi
(21. Lalavele Atakora, 72)
18. İlqar Qurbanov
28. Stiven Monroz
33. Təmkin Xəlilzadə
34. Urfan Abbasov (k)
88. Sabien Lilay
Ehtiyat oyunçular:
23. Aqil Məmmədov
35. Murad Popov
4. Elvin Camalov
7. Roman Hüseynov
26. Faiq Hacıyev
27. Bəhlul Mustafazadə
32. Amin Seydiyev
99. Abbas Ağazadə
Baş məşqçi: Sənan Qurbanov
“Sumqayıt”
1. Mehdi Cənnətov
2. Rail Məlikov (k)
(70. Ülvi İsgəndərov, 85)
4. Şəhriyar Əliyev
7. Cavid Tağıyev
(11. Atilla Yıldırım, 46)
10. Aleksey İsayev
14. Bəxtiyar Həsənalızadə
17. Nicat Qurbanov
21. Arif Daşdəmirov
60. Elvin Məmmədov
(97. Xəyal Nəcəfov, 70)
74. Yusif Nəbiyev
99. Əli Babayev
Ehtiyat oyunçular:
15. Orxan Sadıqlı
3. Vurğun Hüseynov
18. Süleyman Əhmədov
44. Qvanzav Maqomedov
77. Murad Xaçayev
Baş məşqçi: Nazim Süleymanov
