“Qəbələ”dən məhsuldar heç-heçə
Xəbərlər / 31 İyul 2024 | 22:008666
“Qəbələ” - "Əl-Yarmuk" (Küveyt) – 2:2
Loren Mendi, Luizinyo Qedeş
2024-2025-ci illər mövsümünün hazırlığını davam etdirən “Qəbələ” ilk yoxlama oyununu keçirib. “Qırmızı-qaralar” Qəbələdə təlim-məşq toplanışında olan Küveytin "Əl-Yarmuk" klubu ilə qarşılaşıb.
Görüşdə hesabı komandamız açıb. Baxışda olan seneqallı Loren Mendi Asiya təmsilçisinin qapısına yol tapıb. Küveyt klubu fasiləyədək hesaba tarazlıq gətirib.
İkinci hissədə “Qəbələ” yenidən fərqlənib. Baxışda olan braziliyalı Luizinyo Qedeş rəqibi məyus edib. Qonaq komanda bu topun əvəzini çıxa bilib – 2:2. Beləliklə, Qəbələ şəhər stadionunda təşkil olunan matç məhsuldar heç-heçə ilə nəticələnib.
OXŞAR XƏBƏRLƏR
