“Sumqayıt” – “Qəbələ” – 2:2
27 oktyabr 2018. Saat 18:00. “Dalğa Arena”, 200 tamaşaçı
Baş hakim: Orxan Məmmədov
Baş hakimin köməkçiləri: Mübariz Haşımov, Cavanşir Yusifov
Dördüncü hakim: Ramil Əhmədov
Hakim-inspektor: Murad Məmmədov
AFFA nümayəndəsi: Ramiz Abdullayev
Sarı vərəqələr: Cavid Tağıyev, 65 (qeyri-idman hərəkəti); Atilla Yıldırım, 72 (qeyri-idman hərəkəti); Qvanzav Maqomedov, 90+2 (qeyri-idman hərəkəti); Şəhriyar Əliyev, 90+2 (qeyri-idman hərəkəti) // Rauf Əliyev, 45 (qeyri-idman hərəkəti), 90+2 (hakim qərarına etiraz); Cavid Hüseynov, 71 (hakim qərarına etiraz); Atakora Lalavele, 84 (perspektivli hücumun qarşısını kəsdiyinə görə); Aqil Məmmədov, 90+2 (qeyri-idman hərəkəti)
Qırmızı vərəqələr: Bəhlul Mustafazadə, 90+2 (rəqibə əl ilə zərbə vurduğuna görə) Rauf Əliyev, 90+2
Qollar: Şəhriyar Əliyev, 7, 19 // Stiven Monroz, 42; Atakora Lalavele, 56
Artırılan vaxt: I hissədə 1 dəq.; II hissədə 8 dəq.
Topaz Premyer Liqasında IX tura start verilib. “Qəbələ” turun ilk oyun günündə “Sumqayıt”la qarşılaşıb. Bu, “qırmızı-qaralar”ın II dövrədə ilk səfər matçı olub. Komandamız “Dalğa Arena”da baş tutan görüşə ötən turla müqayisədə bir dəyişikliklə çıxıb. Cəzalı Təmkin Xəlilzadənin yoxluğunda Rauf Əliyev “11-lik”də yer alıb.
Hər iki komanda görüşə ehtiyatlı oyunla başlayıb. İlk dəqiqələr həm də ötürmə səhvləri ilə diqqət çəkib ki, rəqiblər bir müddət hücum təşkil etməyə də çətinlik çəkib. Matçdakı ilk real qol vəziyyəti isə meydan sahiblərinin hesabı açması ilə əlamətdar olub. Şəhriyar Əliyevin fərqlənməsindən sonra üstünlüyə yiyələnən sumqayıtlılar daha çox hücum edib. Hissənin ortalarında “qırmızı-qaralar” qapısında 2-ci topu görüb. Şəhriyar Əliyev dubla imza atıb. İlk yarının sonlarına qədər meydan sahibləri daha çox hücum etsə də, komandamızın sürətli əks-hücumları yaddaqalan olub. Bunlardan birində Ceyms Adeniyidən ötürmə alan Stiven Monroz bir toxunuşla topu yaxın küncə göndərib – 1:2.
Fasilədən sonra Sənan Qurbanov iki dəyişikliklə oyunda dönüş yaratmağa çalışıb. 38 yaşlı mütəxəssis İlqar Qurbanovla Bəhlul Mustafazadəni meydana buraxıb. İkinci hissədə daha istəkli mübarizə aparan və üstünlüyə yiyələnən komandamız rəqibin səhvindən yararlanıb. Monrozun ötürməsindən sonra Lalavele Atakoranın qolu hesabda tarazlıq yaradıb. “Qırmızı-qaralar” ardınca daha iki dəfə fərqlənməyə yaxın olub. Öncə Atakoranın yıxılaraq endirdiyi zərbə zamanı top qapının üstündən keçib. İkinci hissədə oyuna daxil olan Asif Məmmədovun qol sevinci yaşamağına isə son anda topa toxunan müdafiəçi imkan verməyib. Daha bir epizodda isə Monroz dublunu rəsmiləşdirməyə yaxın olub. Görüşün sonluğu qarşılıqlı hücumlarla diqqət çəkib. Meydan sahibləri daha çox hücum etsə də, “qırmızı-qaralar” əks-həmlələrlə qələbə qolunu vurmağa çalışıb.
Beləliklə, 4 qolun vurulduğu görüşdə məhsuldar heç-heçə qeydə alınıb – 2:2.
“Sumqayıt”
1. Mehdi Cənnətov
2. Rail Məlikov (k)
(44. Qvanzav Maqomedov, 71)
4. Şəhriyar Əliyev
7. Cavid Tağıyev
10. Aleksey İsayev
(77. Murad Xaçayev, 87)
11. Atilla Yıldırım
14. Bəxtiyar Həsənalızadə
21. Arif Daşdəmirov
22. Əfran İsmayılov
74. Yusif Nəbiyev
99. Əli Babayev
Ehtiyat oyunçular:
15. Orxan Sadıqlı
8. Orxan Əliyev
17. Nicat Qurbanov
18. Süleyman Əhmədov
70. Ülvi İsgəndərov
97. Xəyal Nəcəfov
Baş məşqçi: Nazim Süleymanov
“Qəbələ”
30. Aqil Məmmədov
3. Voislav Stankoviç
4. Elvin Camalov
5. Rasim Ramaldanov
(27. Bəhlul Mustafazadə, 46)
8. Qismət Alıyev
(18. İlqar Qurbanov, 46)
10. Rauf Əliyev
(11. Asif Məmmədov, 60)
14. Cavid Hüseynov (k)
17. Ceyms Adeniyi
21. Atakora Lalavele
28. Stiven Monroz
34. Urfan Abbasov
Ehtiyat oyunçular:
22. Dmitri Bezotosnı
35. Murad Popov
7. Roman Hüseynov
26. Faiq Hacıyev
32. Amin Seydiyev
79. Əli Sadıxov
88. Sabien Lilay
99. Abbas Ağazadə
Baş məşqçi: Sənan Qurbanov
