“Sumqayıt” – “Qəbələ” – 1:1
8 dekabr 2019. Saat 15:00. “Kapital Bank Arena”, 1100 tamaşaçı
Baş hakim: Vüqar Həsənli
Baş hakimin köməkçiləri: Elşad Abdullayev, Pərvin Talıbov
Dördüncü hakim: Orxan Məmmədov
Hakim-inspektor: Ömər Paşayev
AFFA nümayəndəsi: Eldəniz Musayev
Sarı vərəqə: Xəyal Nəcəfov, 45 (qeyri-idman hərəkəti); Peyman Babayi, 64 (qeyri-idman hərəkəti); Elvin Cəfərquliyev, 45 (qeyri-idman hərəkəti) // Fernan Lopez, 20 (qeyri-idman hərəkəti); Merab Qiqauri, 45 (hakimin qərarına etiraz); Qismət Alıyev, 45, 86 (qeyri-idman hərəkəti); İbrahima Niasse, 86 (hakimin qərarına etiraz)
Qırmızı vərəqələr: Anar Nəzirov, 65 (təcavüzkar davranış); Qismət Alıyev, 86
Rəsmi şəxsə göstərilən sarı vərəqə: Elmar Baxşıyev, 75 (hakimin qərarına etiraz)
Qollar: Peyman Babayi, 31 (p.) // Fernan Lopez, 23
Artırılan vaxt: I hissədə 1 dəq; II hissədə 7 dəq.
“Qəbələ” Azərbaycan Premyer Liqasında mövsümün ilk yarısının son oyununu keçirib. “Qırmızı-qaralar” XIV turda “Sumqayıt”la qarşılaşıb. Komandamız matça ötən turun “Zirə”yə qarşı görüşü ilə müqayisədə bir dəyişikliklə başlayıb. Cəzalı Amin Seydiyevi start heyətində Murad Musayev əvəzləyib.
Sumqayıtdakı “Kapital Bank Arena”da keçirilən matç qarşılıqlı hücumlarla başlayıb. Oyunun əvvəlində topa daha çox nəzarət edən “Qəbələ” hissənin ortalarında hesabı açıb. Rəqib müdafiəçilərin səhvindən yararlanan Fernan Lopes meydan sahiblərini məyus edib. Buraxılan qoldan sonra sumqayıtlılar fəallığı artırıblar. 31-ci dəqiqədə penalti imkanı qazanan ev sahibləri hesabda tarazlıq yaradıblar. Qolun müəllifi olan Peyman Babayi az sonra ikinci dəfə fərqlənməyə yaxın olsa da, qapıçı Anar Nəzirov inamlı oynayıb.
İkinci hissədə azarkeşlər qarşılıqlı hücumlar izləsə də, qapılar önündə real qol vəziyyətləri çox olmayıb. İkinci hissənin ortalarında “Qəbələ” azlıqda qalıb. Nəzirov qırmızı vərəqə alıb. Buna baxmayaraq, “qırmızı-qaralar” müdafiəyə çəkilməyərək daha çox hücum edib. Görüşün sonlarında təşəbbüsə yiyələnən meydan sahibləri hesabı öz xeyrinə dəyişməyə çalışıblar. Qismət Alıyev ikinci sarı vərəqə aldıqdan sonra komandamız 9 nəfərlə qalıb. Bundan sonra “Sumqayıt” təzyiqi artırsa da, təxminən 10 dəqiqə etibarlı müdafiə olunan futbolçularımız hesabın dəyişməsinə imkan verməyiblər.
Beləliklə, “Qəbələ” Premyer Liqada mövsümün ilk yarısını qollu heç-heçə ilə başa vurub.
“Sumqayıt”
13. Aydın Bayramov
97. Xəyal Nəcəfov
(28. Səbuhi Abdullazadə, 59)
46. Aleksey İsayev
4. Şəhriyar Əliyev (k)
14. Elvin Bədəlov
6. Vüqar Mustafayev
90. Rəhim Sadıxov
(70. Mehdi Şərifi, 68)
8. Peyman Babayi
5. Camaladdin Xocaniyazov
18. Süleyman Əhmədov
44. Elvin Cəfərquliyev
(9. Amil Yunanov, 88)
Ehtiyat oyunçular:
12. Nicat Mehbalıyev
2. Rail Məlikov
7. Ehtiram Şahverdiyev
22. Sərtan Taşqın
11. Elgün Nəbiyev
50. İlqar Qurbanov
17. Murad Xaçayev
20. Rüfət Abdullazadə
Baş məşqçi: Ayxan Abbasov
“Qəbələ”
1. Anar Nəzirov (k)
8. Qismət Alıyev
74. Yusif Nəbiyev
28. Murad Musayev
9. Davit Volkov
(94. Tərlan Əhmədli, 67)
3. İviça Zuniç
10. Klesio Bauk
77. Merab Qiqauri
(7. Roman Hüseynov, 59)
21. Fernan Lopez
6. İbrahima Niasse
19. Rövlan Muradov
Ehtiyat oyunçular:
11. Asif Məmmədov
14. Ülvi İsgəndərov
4. Sadiq Quliyev
13. Kristian Kuaku
20. Faiq Hacıyev
22. Rüstəm Nuriyev
15. Vüsal Məsimov
Baş məşqçi: Azər Bağırov
