“Kəpəz” – “Qəbələ” – 1:1
28 fevral 2017. Saat 15:00. Gəncə şəhər stadionu, 5000 tamaşaçı
Baş hakim: Əliyar Ağayev
Baş hakimin köməkçiləri: Rza Məmmədov, Akif Əmirəli
Dördüncü hakim: Orxan Məmmədov
AFFA nümayəndəsi: Nüvər Xasıyev
Hakim-inspektor: Şahin Cəfərov
Sarı vərəqələr: Dario Federiko, 85 (oyunun bərpasını ləngitdiyinə görə); Davud Kərimi, 90 (oyunun bərpasını ləngitdiyinə görə) // Cavid Hüseynov, 64 (hakim qərarına etiraz)
Qırmızı vərəqə: Nicat Qurbanov, 38 (aqressiv hərəkət, əl ilə zərbə) // Nika Kvekveskiri, 38 (aqressiv hərəkət, əl ilə zərbə)
Qollar: Şəhriyar Rəhimov, 36 // Renan Silva, 54 (ö.q)
Artırılan vaxt: I hissədə 2 dəq.; II hissədə 4 dəq.
Bu gün Topaz Premyer Liqasında XX tura yekun vurulacaq. İkinci oyun gününün ilk matçı Gəncədə baş tutub. Çempionatın lideri “Qəbələ” “Kəpəz”in qonağı olub. Mövsümün ilk yarısında rəqibini iki dəfə məğlub edən “qırmızı-qaralar” mövqeyini qorumaq niyyətində olduğundan səfər matçına 3 xal üçün çıxıblar. Roman Qriqorçuk ötən turun “Qarabağ”la oyunu ilə müqayisədə start heyətində yalnız bir dəyişiklik edib. Cəzası başa çatan Rasim Ramaldanov mərkəz müdafiəçisi mövqeyinə qayıdıb, Rəşad Sadiqov isə “11-lik”dən kənarda qalıb.
Qarşılaşma “Qəbələ”nin hücumları ilə başlayıb. Lakin sürətli əks-həmlələr təşkil edən meydan sahibləri oyunun əvvəlində daha təhlükəli epizodlar yaradıb. Qarşılaşmanın startında Dmitri Bezotosnı bir neçə dəfə oyuna daxil olub ki, bunların birində Orxan Əliyevin qüvvətli zərbəsini dəf edib. Komandamız isə Nika Kvekveskirinin gözəl ötürməsindən sonra əlverişli imkan əldə edib. Lakin müdafiəçilər cərimə meydanında Sergey Zenyovu qabaqlayıb. Renan Silva ilə Filip Ozobiçin toqquşması isə oyunda bir neçə dəqiqəlik fasiləyə səbəb olub. Ardınca xorvatiyalının təhlükəli zərbəsinin qarşısını rəqib qolkiper ala bilib. Kvekveskirinin növbəti ötürmələrindən sonra isə Vojislav Stankoviçlə Sergey Zenyovun zərbələri alınmayıb. “Kəpəz” isə növbəti hücum zamanı hesabı açıb. Şəhriyar Rəhimov mübahisəli qola imza atıb – 1:0. Ardınca Nika Kvekveskiri ilə Nicat Qurbanov arasında yaşanan xoşagəlməz hadisə hər iki oyunçunun qırmızı vərəqə alması ilə nəticələnib. “Qəbələ” bundan sonra hesabda tarazlıq yaratmaq üçün böyük qüvvə ilə irəli atılıb. “Qırmızı-qaralar”ın fərqlənməsinə meydan sahiblərinin qapıçısı imkan verməyib. Davud Kərimi öncə Filip Ozobiçin zərbəsini zərərsizləşdirib, sonra isə təkrar cəhdlərin qarşısını alıb.
İkinci hissənin başlaması ilə “qırmızı-qaralar”ın hücumları davam edib. Roman Qriqorçukun yetirmələri oyunda dönüş yaratmaq üçün ardıcıl hücumlar qurub. Komandamızın hesabda tarazlıq yaratmaq istəyi tez reallaşıb. Sağ cinahdan hava ötürməsindən sonra cərimə meydanında Daniel Subotiçlə mübarizə aparan Renan Silva avtoqol müəllifi olub – 1:1. Səfər matçında xal itirmək niyyətində olmayan “Qəbələ” hesabı bərabərləşdirdikdən sonra da həmlələrinə ara verməyib. Lakin bu da gəncəlilər üçün sürətli əks-hücum imkanları yaradıb. “Kəpəz” bu həmlələrdə real qol vəziyyəti yaratmasa da, qonaqlar bir neçə dəfə fərqlənməyə yaxın olub. Həm Zenyov, həm Ozobiç bir neçə dəfə qapını nişan alıb. Lakin ya qeyri-dəqiqlik, ya da rəqib qapıçı hesabın dəyişməsinə əngəl olub. Gəncəlilərin qələbə qolunu vurmağa yaxın olduğu epizodlarda isə Bezotosnı inamlı oynayıb. Final fitinə 6 dəqiqə qalmış künc zərbəsi qolla nəticələnə bilərdi. Lakin Stankoviçin başla zərbə cəhdindən sonra Subotiç yaxın məsafədən topa toxunmayıb. Görüşün sonlarında hücum xəttini gücləndirən Qriqorçuk Ruslan Qurbanovla Baqali Dabonu da meydana buraxıb. Sonuncu qapı istiqamətində zərbə endirmək imkanı əldə etsə də, bu, istədiyi kimi alınmayıb.
Beləliklə, səfərdən heç-heçəylə dönən “Qəbələ” xal hesabını 43-ə çatdırıb.
“Kəpəz”
30. Davud Kərimi
21. Novruz Məmmədov
36. Renan Silva
25. Şəhriyar Əliyev
13. Şəhriyar Rəhimov
5. Kərim Diniyev
18. Tural Axundov (k)
(7. Vüqar Bəybalayev, 57)
17. Nicat Qurbanov
10. Dario Federiko
19. Orxan Əliyev
(15. Azad Kərimov, 88)
77. Serjio Kosta
(90. Julien Ebah, 70)
Ehtiyat oyunçular:
88. Tadas Simaitis
80. Tural Rzayev
9. Tural Qürbətov
68. Əli Nuri
Baş məşqçi: Şahin Diniyev
“Qəbələ”
22. Dmitri Bezotosnı
3. Vojislav Stankoviç
5. Rasim Ramaldanov
7. Nika Kvekveskiri
9. Sergey Zenyov
14.Cavid Hüseynov (k)
17. Məhəmməd Mirzəbəyov
19. Filip Ozobiç
(18. Baqali Dabo, 87)
31. Daniel Subotiç
77. Araz Abdullayev
(10. Ruslan Qurbanov, 84)
88. Tellur Mütəllimov
Ehtiyat oyunçular:
33. David Pietrzkeviç
8. Qismət Alıyev
11. Asif Məmmədov
27. Teo Uiks
34. Ürfan Abbasov
Baş məşqçi: Roman Qriqorçuk
