“Zirə” – “Qəbələ” – 1:1
6 oktyabr 2019. Saat 18:00. Zirə İdman Kompleksinin stadionu, 1000 tamaşaçı
Baş hakim: İnqilab Məmmədov
Baş hakimin köməkçiləri: Rahil Ramazanov, Pərvin Talıbov
Dördüncü hakim: Orxan Məmmədov
Hakim-inspektor: Fariz Yusifov
AFFA nümayəndəsi: Elgiz Abbasov
Sarı vərəqələr: Elvin Məmmədov, 74 (hakimin qərarına etiraz); Anar Nəzirov, 90+1 (oyunun bərpasını ləngitdiyinə görə) // Fernan Lopez, 40 (qeyri-idman hərəkəti); Qismət Alıyev, 60 (qeyri-idman hərəkəti)
Rəsmi şəxsə göstərilən sarı vərəqə: Elmar Baxşıyev, 82 (hakimin qərarına etiraz)
Qollar: İlkin Muradov, 67 // Ülvi İsgəndərov, 65
Artırılan vaxt: I hissədə yoxdur; II hissədə 4 dəq.
Azərbaycan Premyer Liqasında VII turun ikinci oyun gününə start verilib. Mövsümün I dövrəsinin son günündə “Qəbələ” “Zirə” ilə qarşılaşıb. “Qırmızı-qaralar” milli komandaların oyunları ilə əlaqədar yaranacaq iki həftəlik fasilə öncəsi son matçını səfərdə keçirib. Baş məşqçi vəzifəsini icra edən Elmar Baxşıyev ötən turla müqayisədə start heyətində üç dəyişiklik edib. Asif Məmmədov, Yusif Nəbiyev və Klesio Bauk ilk “11-liy”ə qayıdıb. “Neftçi” ilə matça ilk dəqiqələrdən çıxan Rasim Ramaldanov, Ülvi İsgəndərov və Rövlan Muradov bu dəfə kənarda qalıb.
Zirə İdman Kompleksinin stadionundakı matç qarşılıqlı hücumlarla başlayıb. Lakin tədricən üstünlüyə yiyələnən meydan sahibləri ilk yarıda daha çox hücum ediblər. Pressinqdən istifadə edən “Qəbələ” futbolçuları isə sürətli əks-hücumlar qurmağa çalışıblar. Rəqibdən topu “oğurlayan” Fernan Lopez cərimə meydanına qədər irəliləyərək qapıya güclü zərbə endirib. Lakin rəqib qapıçı bu topun qarşısını alıb. Paytaxt təmsilçisinin hücumları zamanı isə müdafiəçilər etibarlı oynayıb. Anar Nəzirov bir neçə dəfə inamlı çıxışı ilə diqqət çəkib.
Fasilədən sonra “Qəbələ” bir müddət fəallıq nümayiş etdirib. Öncə Fernan Lopez təxminən 20 metrdən qapını nişan alsa da, top qapının üstündən keçib. Elmar Baxşıyevin ilk oyunçu dəyişikliyi qolla nəticələnib. Meydana daxil olan Ülvi İsgəndərov Merab Qiqaurinin ötürməsindən sonra yaxın məsafədən qarşısıalınmaz zərbə endirib – 1:0. Meydan sahibləri cəmi üç dəqiqə sonra İlkin Muradovun qolu ilə hesabda tarazlıq yaradıb. Qarşılıqlı qollardan sonra oyunun tempi artıb və hər iki komanda qələbə topunu vurmaq üçün həmlələr təşkil edib. Lakin tərəflərin səylərinə baxmayaraq hesab dəyişməyib. Beləliklə, “Qəbələ” ardıcıl üçüncü səfər oyununda meydanı xalla tərk edib. Komandamız bunadək “Sabah”a 1:0 hesabı ilə qalib gəlib, “Səbail”lə heç-heçə edib – 1:1.
“Zirə”
28. Boyan Zoqoviç
8. İlkin Muradov
(88. Tellur Mütəllimov, 80)
14. Bəxtiyar Həsənalızadə
4. Elvin Camalov
10. Elvin Məmmədov (k)
18. Xulio Sezar Rodrigez
48. Şafik Tiqrudja
(7. Cavid Hüseynov, 69)
5. Anastasios Papazoqlu
11. Soni Norde
(17. Robin Nqalande, 69)
6. Alvaro Ampuero
70. Nicat Süleymanov
Ehtiyat oyunçular:
1. Orxan Sadıqlı
23. Mfo Kqasvane
99. Rafael Məhərrəmli
93. Seyxan Fərəcov
77. Cəlal Hüseynov
Baş məşqçi: Samir Abasov
“Qəbələ”
1. Anar Nəzirov (k)
8. Qismət Alıyev
11. Asif Məmmədov
7. Roman Hüseynov
(14. Ülvi İsgəndərov, 63)
74. Yusif Nəbiyev
9. Davit Volkov
(19. Rövlan Muradov, 76)
3. İviça Zuniç
10. Klesio Bauk
77. Merab Qiqauri
21. Fernan Lopez
(28. Murad Musayev, 90+4)
2. Amin Seydiyev
Ehtiyat oyunçular:
94. Tərlan Əhmədli
4. Sadiq Quliyev
13. Kristian Kuaku
22. Rüstəm Nuriyev
15. Vüsal Məsimov
Baş məşqçi: Zaur Həşimov
