“Keşlə” – “Qəbələ” – 1:2
14 aprel 2019. Saat 15:00. “ASK Arena”, 1700 tamaşaçı
Baş hakim: Vüqar Həsənli
Baş hakimin köməkçiləri: Mübariz Haşımov, Cəmil Quliyev
Dördüncü hakim: Rövşən Rəcəbov
Hakim-inspektor: Ramil Diniyev
AFFA nümayəndəsi: İlham Əliyev
Sarı vərəqələr: Slavik Alxasov, 55 (qeyri-idman hərəkəti); Conatan Ayite, 79 (hakimin qərarına etiraz) // Ceyms Adeniyi, 60 (hakimi aldatmağa cəhd); Dmitri Bezotosnı, 77 (hakimin qərarına etiraz); Rauf Əliyev, 84 (qeyri-idman hərəkəti)
Qollar: Con Kamara, 76 // Ceyms Adeniyi, 46; Davit Volkov, 65
Artırılan vaxt: I hissədə yoxdur; II hissədə 3 dəq.
Bu gün Topaz Premyer Liqasında XXIV turun ikinci oyun gününə start verilib. “Qəbələ” Bakıdakı “ASK Arena”da “Keşlə”nin qonağı olub. “Qırmızı-qaralar”ın çalışdırıcısı Sənan Qurbanov ötən turla müqayisədə start heyətində bir dəyişiklik edib. Rasim Ramaldanov ilk “11-lik”də yer alıb. Müdafiəçi Vojislav Stankoviçi əvəzləyib.
Görüşün ilk hissəsi qarşılıqlı hücumlarla yadda qalıb. “Qəbələ” futbolçuları matçın əvvəlində bir neçə təhlükəli zərbə ilə diqqət mərkəzinə düşüblər. Lakin Davit Volkovi ilə Ceyms Adeniyinin zərbələri erkən qol üçün yetərli olmayıb. Azarkeşlər hər iki komandanın ifasında ardıcıl hücumlar izləsələr də, qapılar önündə real qol imkanları çoxluq təşkil etməyib. Hissənin ortalarında Adeniyinin təhlükəli nöqtədən cərimə zərbəsi isə canlı səddə tuş gəlib. Ümumilikdə meydan sahiblərinin cüzi ərazi üstünlüyü ilə keçən ilk 45 dəqiqədə qapılara qol vurulmayıb.
İkinci hissə qolla başlayıb. Rauf Əliyevlə divar paslaşmasından sonra qapıçı ilə üz-üzə qalan Ceyms Adeniyi mövsümdə 9-cu qolunu vurub – 1:0. Buraxılan qoldan sonra irəli atılan “Keşlə”nin yarımmüdafiəçisi Vüsal İsgəndərlinin fərqlənməsinə Dmitri Bezotosnının inamlı oyunu imkan verməyib. Hesabda tarazlıq yaratmaq üçün bakılıların böyük qüvvə ilə irəli atılması “qırmızı-qaralar”a da sürətli əks-hücum imkanları yaradıb. Dmitri Bezotosnı isə Angelo Penanın yaxın məsafədən güclü zərbəsinə reaksiya verməyi bacarıb. “Qırmızı-qaralar”ın növbəti əks-həmləsi isə qolla nəticələnib. Ceyms Adeniyinin cərimə meydanına ötürməsini Davit Volkovi qüvvətli zərbə ilə tamamlayıb. Qapıçı topa toxunsa da, qola mane ola bilməyib – 2:0. Az keçməmiş Dmitri Bezotosnı Conatan Ayitenin zərbəsini dəf edib. Dərhal irəli atılan “Qəbələ” fərqi artırmağa yaxın olub. Lakin Cavid Hüseynovun zərbəsindən sonra rəqib müdafiəçilər topu boş qapıdan çıxarıblar. Ardıcıl hücumlar təşkil edən paytaxt təmsilçiləri 76-cı dəqiqədə fərqi minimuma endiriblər. Bu topdan sonra bakılılar hücumlarının sayını daha da artırsalar da, komandamız müdafiədə inamlı oynayıb və hesabın dəyişməsinə imkan verməyib. Beləliklə, “Qəbələ” səfər matçından 2:1 hesablı qələbə ilə ayrılıb.
“Keşlə”
30. Davud Kərimi
4. Slavik Alxasov (k)
8. Seymur Əsədov
(23. Conatan Ayite, 65)
9. Amil Yunanov
93. Edvinas Girdvainis
3. Denis Silva
22. Nikola Mitroviç
25. Con Kamara
21. Angelo Pena
(19. Azər Salahlı, 72)
65. Cabir Əmirli
11. Vüsal İsgəndərli
(17. Samir Məsimov, 88)
Ehtiyat oyunçular:
16. Şahin Zəkiyev
18. Ruslan Əmircanov
33. Tərlan Quliyev
10. Ruslan Nəsirli
14. Andre Klennon
32. Valeri Kutsenko
2. Sərtan Taşqın
Baş məşqçi: Tərlan Əhmədov
“Qəbələ”
22. Dmitri Bezotosnı
5. Rasim Ramaldanov
34. Urfan Abbasov
14. Cavid Hüseynov (k)
(88. Sabien Lilay, 77)
4. Elvin Camalov
10. Rauf Əliyev
(11. Asif Məmmədov, 85)
17. Ceyms Adeniyi
28. Stiven Monroz
9. Davit Volkov
27. Bəhlul Mustafazadə
2. Amin Seydiyev
Ehtiyat oyunçular:
1. Anar Nəzirov
35. Murad Popov
18. İlqar Qurbanov
21. Atakora Lalavele
8. Qismət Alıyev
7. Roman Hüseynov
98. Rövlan Muradov
33. Vüsal Məsimov
77. Samir Qurbanov
Baş məşqçi: Zaur Həşimov
