“Sabah” – “Qəbələ” – 0:1
14 sentyabr 2019. Saat 20:00. “Bank Respublika Arena”, 1000 tamaşaçı
Baş hakim: Vüqar Həsənli
Baş hakimin köməkçiləri: Pərvin Talıbov, Vüqar Bayramov
Dördüncü hakim: Etibar Həsənov
Hakim-inspektor: Asim Xudiyev
AFFA nümayəndəsi: Eldəniz Musayev
Sarı vərəqələr: Rocer Roxas, 25 (qeyri-idman hərəkəti); Rəşad Eyubov, 45+3 (qeyri-idman hərəkəti); Coşqun Diniyev, 64 (qeyri-idman hərəkəti); Məqsəd İsayev, 81 (qeyri-idman hərəkəti) // Ülvi İsgəndərov, 45+3 (hakimin qərarına etiraz); Fernan Lopez, 49 (qeyri-idman hərəkəti); Anar Nəzirov, 52 (hakimin qərarına etiraz); İviça Zuniç, 77 (qeyri-idman hərəkəti)
Rəsmi şəxsə göstərilən sarı vərəqə: Elmar Baxşıyev, 76 (texniki zona qaydalarını pozduğuna görə)
Qollar: Roman Hüseynov, 47
Artırılan vaxt: I hissədə 3 dəq; II hissədə 5 dəq.
“Qəbələ” Azərbaycan Premyer Liqasında növbəti oyununu keçirib. “Qırmızı-qaralar” IV turda “Sabah”ın qonağı olub. Milli komandaların qarşılaşmaları ilə əlaqədar yaranan fasilədən sonra ilk matçına çıxan komandamız “Bank Respublika Arena”dakı görüşə ilk xal üçün çıxıb.
Baş məşqçi funksiyasını icra edən Elmar Baxşıyev ötən turun “Keşlə” ilə qarşılaşması ilə müqayisədə start heyətində 6 dəyişiklik edib. Zədədən sonra meydana qayıdan Anar Nəzirovla İvitsa Juniçlə yanaşı, Qismət Alıyev, Rasim Ramaldanov, Ülvi İsgəndərov və Roman Hüseynov da ilk “11-lik”də yer alıb. Əvəzində Tərlan Əhmədli, Asif Məmmədov, Yusif Nəbiyev, Murad Musayev, Sadiq Quliyev və Kristian Kouakou start heyətdən kənarda qalıb.
Matç qarşılıqlı hücumlarla başlayıb. Tədricən topa nəzarəti ələ alan meydan sahibləri ilk yarıda cüzi üstünlüyə malik olublar. Lakin “Qəbələ”nin hücumları daha yaddaqalan olub. Klesio Bauk və Davit Volkovun təhlükəli zərbələrini rəqib qapıçı dəf edib. Epizodların birində isə Klesionun hesabı açmasına qapı dirəyi imkan verməyib. Hissənin sonlarında mübahisəli epizod yaranıb. Top cərimə meydanı daxilində Rəşad Eyyubovun əlinə dəysə də, hakim bakılıların qapısına penalti təyin etməyib.
İkinci hissə qolla başlayıb. Fernan Lopesin cərimə meydanına daxil olun müdafiəçilərin əhatəsindən verdiyi ötürmədən sonra Roman Hüseynov 20 metrdən qarşısıalınmaz zərbə endirib – 1:0. Bu, “qırmızı-qaralar”ın cari mövsümdə ilk qolu olub. Buraxılan qoldan sonra “Sabah” böyük qüvvə ilə irəli atılsa da, rəqibin təzyiqinin qarşısını alan komandamız ardıcıl hücumlar təşkil edib. Rəqib qapıçı öncə Ülvi İsgəndərovun qüvvətli zərbəsini qaytarıb. Ardınca isə İvitsa Juniçin başla qapıya göndərdiyi topu Saşa Stamenkoviç zərərsizləşdirib. Görüşün sonlarında paytaxt təmsilçisi məğlubiyyətdən qaçmağa çalışsa da, komandamız müdafiədə etibarlı oyun sərgiləyib. Təhlükəli hücumlar da təşkil edən “qırmızı-qaralar” rəqibi də gərginlikdə saxlayıb.
Beləliklə, səfərdə 1:0 hesabı ilə qalib gələn “Qəbələ” paytaxtdan üç xalla dönür.
“Sabah”
1. Saşa Stamenkoviç
4. Bəhlul Mustafazadə
21. Təmkin Xəlilzadə
15. Ruslan Abışov (k)
14. Rəşad Eyubov
17. Məhəmməd Mirzəbəyov
(22. Məqsəd İsayev, 78)
7. Coşqun Diniyev
23. Amadu Diallo
27. Hendrik Ekşteyn
(10. Cavid İmamverdiyev, 46)
19. Rocer Roxas
(9. Ulise Diallo, 46)
26. Ozan Can Kökcü
Ehtiyat oyunçular:
71. Dmitro Bezruk
6. Vadim Abdullayev
5. Kərim Diniyev
13. Filip İvanoviç
99. Abbas Ağazadə
11. Şakir Seyidov
Baş məşqçi: Elşad Əhmədov
“Qəbələ”
1. Anar Nəzirov (k)
8. Qismət Alıyev
5. Rasim Ramaldanov
14. Ülvi İsgəndərov
7. Roman Hüseynov
(4. Sadiq Quliyev, 89)
9. Davit Volkov
21. Fernan Lopez
(74. Yusif Nəbiyev, 76)
77. Merab Qiqauri
10. Klesio Bauk
(19. Rövlan Muradov, 66)
3. İviça Zuniç
2. Amin Seydiyev
Ehtiyat oyunçular:
94. Tərlan Əhmədli
28. Murad Musayev
13. Kristian Kuaku
20. Faiq Hacıyev
22. Rüstəm Nuriyev
15. Vüsal Məsimov
Baş məşqçi: Zaur Həşimov
