AFFA-nın təşkilatçılığı ilə aşağı yaş qruplarından olan komandalar arasında liqalarda 2014/15 mövsümünə start verilib. U-19, U-17, U-16 və U-15 Liqalarında ilk turun görüşləri baş tutub. “Qəbələ”nin mübarizəyə qatılan 4 komandası startda qələbə qazanıb. Onlar 4 görüşdə ümumilikdə 13 qol vurub, cəmi 1-ni buraxıb.
U-17 səfərdə “Simurq”un qonağı olub. “Qəbələ səfərdə oynamasına baxmayaraq, rəqibini aşkar üstələyə bilib – 4:0.
Elə U-16-nın da rəqibi “Simurq” olub. Öz meydanında çıxış edən “qırmızı-qaralar” inamlı qələbə qazanıb – 2:0.
U-15 komandası öz meydanında “Rəvan”la qarşılaşıb. “Qəbələ” bu görüşdə böyükhesablı qələbə qazanıb – 4:0.
U-19-un da rəqibi eyni klubun müvafiq komandası olub. “Qırmızı-qaralar”ın səfərdə qalib gəldiyi bu matçda da 4 qol vurulub – 3:1.
Həftəsonu digər liqalarda da yeni mövsümün ilk turu keçiriləcək. U-11, U-12, U-13 və U-14 Liqalarının oyunlarında “Qəbələ” Akademiyasının komandaları da meydana çıxacaq. U-12 UGİM (Qax), U-13 “Rabitəçi” (Yevlax), U-14 “Neftçi” PFK ilə görüşəcək. Sonuncular Bakıda, digər iki komanda Qəbələdə meydana çıxacaq. U-11 komandası isə mübarizəyə II turda qoşulacaq.
Qeyd edək ki, Qəbələdə hər 4 yaş qrupu üzrə oyunlar keçiriləcək.
