«Qəbələ»-«Dinamo» matçında qolsuz sülh - Fotoreportaj
Xəbərlər / 26 Yanvar 2013 | 15:17242
"Qəbələ"nin əvəzedicilərdən ibarət komandası Antalyada ikinci yoxlama oyununu keçirib. İlk matçda Rusiya "Zenit"i ilə qarşılaşan qırmızı-qaralar bu dəfə eyni ölkəni təmsil edən "Dinamo" ilə qarşılaşıb.
Matç tərəflərin qarşılıqlı hücumları şəraitində keçib. Oyun güclü külək və yagışla müşayiət olunsa da, maraqlı və baxımlı alınıb. İlk hissə "Qəbələ"nin diktəsi ilə yekunlaşıb. Luis Araqonun yetirmələri 45 dəqiqə ərzində bir neçə təhlükəli epizod yaratsalar da, son vuruşlar hədəfdən yayınıb.
İkinci hissədə də "Qəbələ" baxımlı oyunla yadda qalıb. Qısa ötürmələrlə rəqibə "top göstərməyən" qırmızı-qaralar final fitinə qədər rəqibi təzyiq altında saxlayıblar. Buna baxmayaraq matçda hesab açılmayıb. Beləliklə, "Qəbələ" Antalyadakı ikinci yoxlama oyunundan qolsuz bərabərliklə ayrılıb.
Xatırladaq ki, Luis Araqonun yetirmələri qardaş ölkədəki son oyununu yanvarın 28-də keçirəcək. Qırmızı-qaralar İsveçrənin "Sent-Qallen" klubu ilə münasibətlərinə aydınlıq gətirəcək.
OXŞAR XƏBƏRLƏR
