“Dinamo” (Moskva, Rusiya) – “Qəbələ” (Azərbaycan) – 5:0
UEFA Gənclər Liqası, Çempionlar yolu
I mərhələ, cavab oyunu
19 oktyabr. Saat 19:00. Ximki. “Rodina” stadionu
Baş hakim: Dumitru Muntyan
Baş hakimin köməkçiləri: Vyaçeslav Sivaçiov, Anatoli Basiul (hamısı Moldova)
Hakim-inspektor: Yuri Baskakov (Rusiya)
UEFA nümayəndəsi: Anuar Bidanov (Qazaxıstan)
Qollar: Anton Terexov, 28, Nikolay Obolski, 50, 73, Vyaçeslav Qrulev, 85, Denis Sedıx, 89
Sarı vərəqələr: Eduard Şolox, 31, Roman Yevgenyev, 42, Pavel Lelyuxin, 60, Nikolay Obolski, 81
Artırılan vaxt: I hissədə 2 dəq., II hissədə 0 dəq.
İlk oyun – 2:0
Bu gün UEFA Gənclər Liqasının Çempionlar yolunda I mərhələnin cavab oyunları keçirilib. Azərbaycanı turnirdə təmsil edən “Qəbələ” Rusiya çempionu Moskva “Dinamo”su ilə qarşılaşıb. 2015-2016-cı illər mövsümündə U-19 Liqanın qalibi olan “qırmızı-qaralar” öz meydanında 0:2 hesabı ilə uduzduğundan səfərdə qələbə istəyi ilə meydana çıxıb. Ilk oyunla müqayisədə start heyətində 2 dəyişiklik edən baş məşqçi Hüseynqulu Quliyev Əli Sadıqovla Maqsud Ələkbərova şans verib. Əvəzində Elvin Dəmirov və Ravil Yusifli “18-lik”dən kənar qalıblar. Komandamız oyuna fəal başlayıb, ərazi üstünlüyünə yiyələnməyə çalışıb. Xəyal Əmirli və Roman Hüseynov matçın əvvəlində əldə etdiyi qol imkanları dəqiq zərbə ilə tamamlamayıb. Meydan sahiblərinin qapıçısı da ardıcıl bir neçə dəfə “Qəbələ”nin hesabı açmasına mane olub. İlk yarının ortalarında oyunu tarazlaşdıran “Dinamo” 29-cu dəqiqədə Terexovun qolu ilə önə keçib. 2 dəqiqə sonra Roman bərabərlik qoluna yaxın olsa da, rusiyalıları qapı tiri xilas edib. “Qırmızı-qaralar”ın qarşısını almaqda çətinlik çəkən meydan sahibləri kobudluğa əl atmaqdan çəkinmir və bu üzdən bir-birinin ardınca sarı vərəqə ilə cəzalanıb. “Dinamo” daha çox sürətli əks-hücumlarla fərqi artırmağa cəhd edib.
İkinci hissədə erkən qol vuran Moskva klubu 50-ci dəqiqədə Obolskinin fərqlənməsi ilə üstünlüyünü artırıb – 2:0. Bu qoldan sonra rusiyalılar meydanda da tarazlıq yaradıb və azarkeşlər qarşılıqlı hücumlara şahid olublar. Quliyevin əvəzetmələrlə matçın axarını dəyişmək istəyi də alınmayıb. “Dinamo” Obolskinin dublu sayəsində fərqi 3 topa çatdırıb – 3:0. Qarşılaşmanın sonlarında isə “Dinamo” daha iki dəfə fərqlənib. Meydana sonradan daxil olan Qrulev və Sedıx moskvalıların üstünlüyünü artırıb – 5:0. Beləliklə, hər iki oyunda qalib gələn “Dinamo” növbəti mərhələyə yüksəlib. “Qəbələ” isə debüt mövsümündə mübarizəni dayandırıb.
“Dinamo”
16. İvan Zirikov
2. Maksim Nenaxov
3. Semyon Matviyçuk
4. Nikita Kaluqin
5. Roman Yevgenyev
6. Pavel Lelyuxin
(17. Stanislav Latseviç, 88)
7. Mixail Moqulkin
(20. Vyaçeslav Qrulev, 73)
8. Eduard Şolox
9. Nikolay Obolski (k)
11. Anton Terexov
(10. Denis Sedıx, 75)
33. Roman Denisov
Ehtiyat oyunçular:
1. Pyotr Kesarevski
18. Artyom Qorbulin
19. Kiril Burıkin
34. Viktor Demyanov
Baş məşqçi: Sergey Çikişev
“Qəbələ”
36. Süleyman Süleymanov
16. Ülvi İsgəndərov
21. Roman Hüseynov
23. Amin Seydiyev
24. Maqsud Ələkbərov
29. Haciağa Hacıyev
30. Bəhlul Mustafazadə (k)
55. Xəyal Əmirli
70. Fərid Nəbiyev
(66. Nurlan Quliyev, 66)
79. Əli Sadiqov
(31. Elvin Həsənov, 79)
98. Rövlan Muradov
Ehtiyat oyunçular
45. Toğrul Məhəmmədbəyli
25. Əzəmət Ələkbərli
50. Sahil Zeynalov
82. Cavidan Qasımlı
96. Qədir Bayramlı
Baş məşqçi: Hüseynqulu Quliyev
