“Borussiya” (Dortmund, Almaniya) - “Qəbələ” – 4:0
UEFA Avropa Liqası, qrup mərhələsi, C qrupu, IV tur
5 noyabr. Saat 22:00. Dortmund. BVB stadionu
Baş hakim: Sebastyan Delferier (Belçika)
Baş hakimin köməkçiləri: İv de Neve, Rien Vanizere (hər ikisi Belçika)
Əlavə köməkçi hakimlər: Conatan Lardot, Erik Lambrexts (hər ikisi Belçika)
Dördüncü hakim: Stiyn Hutsebot (Belçika)
UEFA nümayəndəsi: George Koumas (Kipr)
Hakim-inspektor: Xuan Fernandes Marin (İspaniya)
Qollar: Marko Roys, 28, Pyer Emerik Obameyanq, 45, Sergey Zenyov, 67-öz qapısına, Henrik Mxitaryan, 70
Sarı vərəqələr: Sven Bender,14//Vitali Vernidub, 8, Derlis Meza Kolli, 71, Elvin Camalov, 86, Samir Zərgərov, 90+2
Artırılan vaxt: I hissədə 1 dəq.; II hissədə 2 dəq.
UEFA Avropa Liqasında qrup mərhələsinin IV turunun oyunları keçirilib. “Qəbələ” Almaniyada Dortmundun “Borussiya” klubu ilə qarşılaşıb. İki həftə əvvəl Bakıda 1:3 hesabı ilə məğlub olan komandamız çətin səfər oyununa xal iddiası ilə çıxıb. Baş məşqçi Roman Qriqorçuk paytaxtdakı qarşılaşma ilə müqayisədə start heyətində 2 dəyişiklik edib. Zədəli qapıçı Dmitri Bezotosnının yoxluğunda çərçivəni David Pietrzkieviç qoruyub. Aldığı zədəsini sağaldan Rafael Santos isə Fakundo Pereyranı əvəzləyib. Nəticədə komandamız matça 3 nominal mərkəz müdafiəçisi – Santos, Vitali Vernidub və Vojislav Stankoviçlə başlayıb.
Qarşılaşma meydan sahiblərinin hücumları ilə başlayıb. Lakin “qırmızı-qaralar”ın müdafiə xətti “Borussiya”nın start təzyiqinin qarşısını alıb. Yalnız arxa xəttə çəkilməklə kifayətlənməyən komandamız rəqib qapısına hücumlar təşkil edib ki, bunların birində Sergey Zenyovun yıxılaraq vurduğu zərbəyə dəqiqlik çatmayıb. Almaniyalıların hücumu daha təhlükəli alınıb. Lakin Pietrzkieviç onunla təkbətək çıxan Pyer Emerik Obameyanqın zərbəsini dəf edib, Qonzao Kastronun təkrar zərbəsi isə dirəyin yanından keçib. Ümumiyyətlə, David oyunun ilk yarısında bir neçə dəfə dortmunduların fərqlənməsinə mane olub. Lakin Marko Roysun təxminən 20 metrdən endirdiyi güclü zərbə zamanı polşalı da qola mane ola bilməyib. Bundan sonra da üstünlüyünü artıran “Borussiya” hücumlarına ara verməyib. Epizodların birində qapıçımız 7-8 metrdən vurulan zərbəni də dəf edib. Lakin Bakıda het-trik müəllifi olan Obameyanqın fasilə öncəsi fərqi artırmasına Pietrzkieviç də mane ola bilməyib. İrəliləyərək cərimə meydanına daxil olan qabonlu hücumçunun yaxın küncə zərbəsindən sonra qolkiper topa toxunsa da onun istiqamətini dəyişə bilməyib.
Almaniyalılar ikinci hissəyə də ardıcıl hücumlarla başlayıb. Bir neçə dəfə Pietezkieviç komandamızı qoldan xilas edib. Epizodların birində isə qapı dirəyi hesabın artmasına imkan verməyib. Amma almaniyalılar qısa müddətdə daha 2 qol vurub. Əvvəl künc zərbəsindən sonra başla topu uzaqlaşdırmağa çalışan Sergey Zenyov avtoqol müəllifi olub. Ardınca Henrik Mxitaryan “Borussiya”nın 4-cü qoluna imza atıb. Bu topdan sonra ərazi üstünlüyünü qoruyan Dortmund klubunun hesabı dəyişməsinə qapıçımız imkan verməyib. Polşalı qolkiper bir neçə qol imkanının qarşısını almağı bacarıb. Oyunun sonlarında Qriqorçuk Elvin Camalov və Samir Zərgərovu da meydana buraxıb. Sonuncu “Qəbələ”də özünün 100-cü oyununu keçirib.
“Borussiya”
1. Roman Vaydenfeller
15. Mats Hummels (k)
26. Lukas Pisek
28. Matias Ginter
(8. İlkay Gündoğan, 62)
29. Marsel Şmeltser
33. Julian Veyql
6. Sven Bender
10. Henrik Mxitaryan
11. Marko Roys
(9. Adnan Yanuzay, 46)
27. Qonazalo Kastro
17. Pyer Emerik Obameyanq
(20. Adrian Ramos, 68)
Ehtiyat oyunçular:
38. Roman Bürki
3. Park Yo Hoo
4. Neven Subotiç
23. Şindzi Kaqava
Baş məşqçi: Tomas Tuhel
“Qəbələ”
33. David Pietrzkeviç
3. Voyislav Stankoviç
15. Vitali Vernidub
20. Rikardinyo
21. Arif Daşdəmirov
44. Rafael Santos
10. Dodo (k)
19. Aleksey Qay
88. David Meza Kolli
(4. Elvin Camalov, 76)
9. Sergey Zenyov
(66. Samir Zərgərov, 86)
19. Aleksey Antonov
(32. Fakundo Pereyra, 68)
Ehtiyat oyunçular:
1. Andrey Popoviç
8. Məhəmməd Mirzəbəyov
5. Georgi Floresku
6. Rəşad Sadiqov
Baş məşqçi: Roman Qriqorçuk
