“Kəpəz” – “Qəbələ” – 0:1
1 oktyabr 2023. Saat 16:00. Gəncə şəhər stadionu, 1500 tamaşaçı
Baş hakim: Rauf Cabarov
Baş hakimin köməkçiləri: Zöhrab Abbasov, Asiman Əzizli
Dördüncü hakim: Rəşad Əhmədov
VAR: Cavid Cəlilov
AVAR: Eyyub İbrahimov
Hakim-inspektor: Vüsal Əliyev
AFFA nümayəndəsi: Elman Musayev
Sarı vərəqələr: Ehtiram Şahverdiyev, 16 (qeyri-idman hərəkəti); Elmir Tağıyev, 45 (qeyri-idman hərəkəti); Yeqor Xvalko, 90 (hakimin qərarına etiraz) // Rauf Hüseynli, 38 (qeyri-idman hərəkəti); Emil Səfərov, 41 (qeyri-idman hərəkəti); Ahmed Ayzaya, 74 (qeyri-idman hərəkəti); Əyyub Allaş, 75 (qeyri-idman hərəkəti); Zurab Oçiqava, 81 (qeyri-idman hərəkəti)
Rəsmi şəxsə göstərilən sarı vərəqə: Fikrət Nəbiyev, (“Qəbələ”) 90 (hakimin qərarına etiraz)
Qol: Bilel Auaşeriya, 52
Artırılan vaxt: I hissədə 2 dəq; II hissədə 5 dəq.
“Qəbələ” növbəti oyununu keçirib. “Qırmızı-qaralar” Misli Premyer Liqasının VIII turunda “Kəpəz”lə qarşılaşıb. Turun son oyun günündəki matç Gəncədə baş tutub.
Komandamız ötən görüşlə müqayisədə meydana bir dəyişikliklə çıxıb. Zədəli Gilad Abramovu start “11-liy”ində Zurab Oçiqava əvəzləyib.
Oyun qarşılıqlı hücumlarla başlayıb. Daha fəal olan “qırmızı-qaralar” ilk dəqiqələrdən daha çox hücum edib. İlk yarıda Osama Xalayla, Bilel Auaşeriya, Emil Səfərovun yaddaqalan zərbələri olsa da, hesab açılmayıb. Omar Hani qapıya paralel ötürmələri qapamaq üçün bir neçə imkan qazansa da, dəqiq zərbə vura bilməyib. Meydan sahiblərinin əksər hücumlarının qarşısını mərkəzdə alan futbolçularımız müdafiədə inamlı oynayıb.
İkinci hissəyə meydan sahibləri daha fəal başlasa da, rəqib hücumlarının qarşısını inamla alan “Qəbələ” daha təhlükəli həmlələr təşkil edib. Belə hücumların biri hesabın açılması ilə nəticələnib. Künc zərbəsindən sonra Bilel Auaşeriya uzaq dirəyin yaxınlığından qapını dəqiq nişan alıb – 1:0. Bu qoldan sonra komandamız fərqi artırmaq imkanları qazansa da, Osama Xalayla və Zurab Oçiqavanın zərbələri dəqiq alınmayıb. Bərabərlik qolu üçün daha çox hücuma aludə olan Gəncə təmsilçisinin cəhdlərinin önünü kəsən futbolçularımız sürətli əks-həmlələr qurub. Emil Səfərovla Əyyub Allaşın təhlükəli zərbələri hesabı dəyişmək üçün yetərli olmayıb. Rəqibin hücumlarına baxmayaraq, üstünlüyünü sonadək qoruyan komandamız səfərdən üç xalla ayrılıb. Beləliklə, “Qəbələ” Gəncə səfərində minimal hesabla qalib gəlib – 1:0.
“Kəpəz”
12. Kamran İbrahimov
7. Ehtiram Şahverdiyev
11. Elnur Cəfərov
(15. Cavad Kərimov, 80)
14. Elçin Əlicanov
8. Elmir Tağıyev
(91. Latir Fal, 65)
20. Mahir Həsənov
(99. Əli Səmədov, 46)
22. Rüfət Əhmədov
(4. Vüsal Məsimov, 46)
25. Georgi Papunaşvili
(21. Martins Junior, 65)
9. Mate Kvirkviya
78. Yeqor Xvalko (k)
19. Abdullahi Şuaybu
Ehtiyat oyunçular:
1. Vladislav Vasilyuçek
18. Elgün Bayramov
3. Vurğun Hüseynov
10. Tural Rzayev
88. Şakir Seyidov
Baş məşqçi: Azər Məmmədov
“Qəbələ”
1. Rəşad Əzizli
2. İlkin Qırtımov (k)
5. Rauf Hüseynli
7. Emil Səfərov
20. Bilel Auaşeriya
(19. Samuel Tetteh, 68)
4. Lukas Afriko
3. Zurab Oçiqava
99. Ahmed Ayzaya
(18. Mehrac Baxşalı, 90+1)
9. Əyyub Allaş
72. Osama Xalayla
10. Omar Hani
(14. Ülvi İsgəndərov, 68)
Ehtiyat oyunçular:
36. Elməddin Sultanov
11. Asif Məmmədov
28. Murad Musayev
12. Nicat Əliyev
33. Hüseyn Mürsəlov
17. Yaovi Akakpo
Baş məşqçi: Elmar Baxşıyev
