QƏBƏLƏ FC

İranda keçirilən qol güləşi üzrə “Şahindez 2016” beynəlxalq turnirinin qalibləri müəyyənləşib. Bu ölkədə peşəkarlar arasında ilk dəfə təşkil olunan yarışda Azərbaycan, İran, Türkiyə, Rusiya, Özbəkistan, Qazaxıstan və İraqdan 400-ə yaxın idmançı iştirak edib. Urmiya vilayətinin Şahindez şəhərində keçirilən turnirdə Azərbaycanın və “Qəbələ” İdman Klubunun təmsilçisi Sənan Şükürov da qüvvəsini sınayıb. 85 kq çəki dərəcəsində çıxış edən idmançımız finaladək bütün rəqiblərini, o cümlədən Asiya çempionunu məğlub edən idmançımız həlledici qarşılaşmaya vəsiqə qazanıb. Lakin qitə çempionu ilə görüşdə alınan zədə Şükürovun finaldakı çıxışına təsirini göstərib. Həlledici qarşılaşmada uduzan təmsilçimiz yarışı gümüş medalla başa vurub.